تكفون يا دوافير خطة ب افيدونا

[*عبدالرحمن المالكي*]

ياشباب انا اليوم حضرت محاضرة احياء للدكتور ياسر محمد سعد محمد
قال لنا انه نذاكر من البور بوينت بعدين نحل التست بانك وقال كمان للي يبغى يحل
طيب يا اخواني انا الان ماني عارف اش اسوي وبعدين قال لازم تشتروا الكتاب عشان تنزلوا التست بانك وانا سمعت من طلاب خطة ب انه مو لازم نشتري الكتاب طيب اذا ما اشتريت الكتاب من وين اجيب التست بانك الجديد تبع الترم الثاني
ياشباب بالله اللي حصله نفس موضوعي الترم اللي فات وجاب a+ يدلني على الطريقة
وكمان المذاكرة من فين تكون هل من التست بانك ولا كمان عروض البوربوينت والتست بانك الجديد من فين اجيبه وهل لو حصل تغيير في التست بانك هل يخبرنا الدكتور
معليش انا صراحه احترت في الاحياء بالله تكفون افيدوني

[Miss Rora]

> طيب معليه بنت ترد هع
انا أخذت الأحياء
شوف يـآ أخينـآ ريح راسك بلا بوربوينت بلا كتاب بلا خرابيط ..

صم واحفظ التست بانك عن ظهر قلب ..ويس ..وطبعاً لازم تفهم السؤال ..

ذاكر التيست بانك اول بأول .. لأنه كثيييييييييير ...ولا تستهون فيه ..يعني لا تجي تذاكرهـ بلية الإختبار

انا كنت اول كذا ضايعه بالأحياء ومو داخله براسي انه بس التيست بانك ؟ لكن لمن دخلت الإختبار الدوري الأول وشفت

بنفسي ..ان كله من التيست بانك .. تطمنت والحمدالله جبت درجه حلوهـ ..

وبعد تأكد ..اذا التيست بانك ما يتغير ...لأنه احنا فيه شبتر تغير

اممم واذا مرره بتسوي فيهـآ دفرنه اقرأ البوربوينت قراءهـ فقط ..

مع العلم انه البعض بالبدايه كانوآ يسوي كذا .. لكن بعدين تركوا ذي الطريقه ..لأنه يضيع الوقت

ولا تنسى نماذج الإختبارات مهمه ..وتجي تقريباً شبيه بهـآ ...

وبس

اتمنى تكون استفدت من فلسفتي الحلوهـ ..

[!..RahoOofa..!]

احنا قالولنا نفس الكلام الترم اللي فات اشترو الكتاب عشان في كود يدخلك موقع فيلو سلايدات وتست بانك
بس اصلا التست بانك موجود في المنتدى وموجود بالمكتبات والبوربوينت مو مهم لانو الاسئلة بالنص من التست بانك

[Majed7]

^^

زي ما قالولك الاختــات اللي فوق ههههه

الاحياء أسهل ماده في الخطه ب والـ a+ فيها مضمون بإذن الله !

[*عبدالرحمن المالكي*]

الله يعطيكم الف عافية ويوفقكم ويجعل اموركم ميسرة يارب
بس ممكن يا ماجد تقلي من اي مكتبة اشتريت التست بانك

[Majed7]

المشاركة الأصلية كتبت بواسطة *عبدالرحمن المالكي* الله يعطيكم الف عافية ويوفقكم ويجعل اموركم ميسرة يارب بس ممكن يا ماجد تقلي من اي مكتبة اشتريت التست بانك

من مكتبة الشقري اللي جوا الجامعه - عند مكتب الخطوط - ..

أو يمديك تطبعه هنا من المنتدى كلو واحد ^_^

[THE HILL]

كتابي الاحيااء جديييد في الدولاب والتست باانك تلقاه في المنتدى والا مكتبه الشقري

والبوروينت تبي تقراه اقراه

[rival soul]

شوف المذاكرة من التست بانك فقط لان السؤال بيجيك نفسو بالظبط لكن احفظو تمااااااااااااااااام مع فهم كل سؤال عشان يثبت وتكون فاهم
وتقدر تشتري التست بانك من الشقري الي برا موجود مترجم عندو بيسااااااااعد كتير
اهم شي لما تذاكر كل ماتخلص باب ارجع راجعه على طول وحمل النسخة على الجهاز علشاان تحلها بدون ماتشوف الايجابة وتشوف حلك صح ولا خطا وكدا كل باب ولما تخلص حله من البداية كامل انا مشيت على الطريقة دي والحمدلله 95 جبت مراااا حلو وحرام ماتخد درجة حلوة وبالتوفيق وإن شاء الله a+

[*عبدالرحمن المالكي*]

الله يسعدكم ويوفقكم وييسر لكم الخير
اخوي ماجد ممكن ايميلك

[تركي4444]

هذه هي الملفات اللي راح اعتمد عليها ان شاء الله

تست بانك 1 + 3 مدمجة مع بعض
تست بانك 2 لوحده
وكمان حلول الاسئلة المقلوبة

وطبعا انا اخذتها من الاخت ran ..>> حقوق الطبع محفوظة

ادعولي بالتوفيق