يافرحة ماتمت :(

[Dina-s-b]

عبورة هوآ المفروض لا مانتسكن..بس فجأة دخلت ولقيت كدا زي ماقلتلكم..بس انا اصلا كنت ناوية اوقف الترم التاني وهما فالعمادة قالولي وقفي الترم التاني عشان تتخصصي طب بس جاني من بدري وما اعرف ازا كان تخصص رسمي ولالا عشان كدا بسال ازا احد عندو خبرة :)

[خالد9921]

جلست تقوول صح كلامو اكيد واسطة :(

ربنا العالم ما ابغى اظلم احد
لكن الاحتمال اللي مره قريب من الصحه انو ممكن بنت اقل منك تسكنت !

وصاحبتها قالتلها انو لمن كلمتهم فالعمادة يعني قالتلها اصلا التسكين كلو غلط فغلط..

شكلو في اغلاط عندكم يالبنات وكلام صاحبة مامتك صحيح
لانو شوفتي انتي كيف زميلاتك تبع الحاسب طلعو بنات انقبلو حاسب اقل منهم

وانو يوم الخميس راح يغيروه..!!

ليش لا
بس راح يتغير للناس اللي طالبت اليوم بتسكين جديد
يعني لو سكتي راح تبقي طب موازي انا متأكد (:

انا قلت ياصاحبتها داجة ومو عارفة فين الله حاطها مع انها ساعدتني فاشياء كتيرة :p يا اما العمادة بيخرفو عليها..

لا كلام صاحبتها صحيح لانو شفتي كيف زميلاتك تبع الحاسب طلعو بنات اقل منهم اتسكنو بالسليمانية .. الخ

او انو من جد بس احس لو سووها من جد وغيرو للبنات التسكين حقهم..!! يبغالهم دبح..!! لعبة احنا :(

راح يتغير للناس اللي طلبت تسكين جديد اليوم واثبتت انها اعلى من اقل طالبه انقبلت
وان شاءالله ما يأثر هالتغيير على بنات انقبلو سابقا (:

وترى مررررررة شكرا يا رئيس جمعية حقوق البنات فجامعة عبد العزيز :p محد يهون علينا غيرك ههههههههههههههههههههههههه الله يوفقك =) ويوفقنا :(

هههههههههههههههههههههههه العفو شكررن كثير عاللقب الحلو
انا اليوم رحت الكليه يسوولي جدول حلفت عليهم ما يسووه لغاية اطمن على مصير اخواتي الطالبات اللي يعانو من التسكين < احلى بكاش هههههههههههههههههههههه
العفو منك كل اللي اسويه معاونه ومقترحات لعلها تساعدكم لاني ارجو من وراها دعوه صادقه منكم اتوفق بسببها (:
وانتي اسمعي كويس ورب الكعبه لو لقيتي طالبه انقبلت طب اسنان او عام انتظام اقل منك وربي مشكلتك تنحل
خلاص تجيبيها عند العمادة عندكم وكمان صاحبة مامتك تضبطك وتمشي امورك
اسألي معارفك وشوفي يمكن توصلي لطالبه موزونها اقل منك
انا متأكد لو لقيتي طالبه اقل منك بجد بجد بجد بجد راح تنحل مشكلتك في وقتها صدقيني !!!

موفقه دينا

[خالد9921]

^
والله مشكلتك بدأت تتعقد يا دينا :(
بيني وبينك انا اصلا كنت مستغرب كيف صرتي طب بين الترمين
لانو يقولو الخطه حقو سنويه مدري ايش من الكلام هذا
لكن قلت يمكن عندك واسطه او شي زي كذا ما حبيت ادقق
عالعموم شوفي صاحبة مامتك وكمان من عند الرجال بكره لا يروح عليك الوقت بين قال وقالت
اذا عندهم هرجه خليهم يخلصوكي بدري
واذا مافي الحقي لك مع زميلاتك تخصص ينبلع زي الحاسب !!
اما تجلسي كذا تنتظري ما ينفع خليهم يتلحلحو خخخخ والا دبري نفسك مع زميلاتك حقون الحاسب وتسكني معاهم ولا الجلسه كذا والا تروحي تخصص مالو داعي :/
لانو كمان هرجة تجلسي معتذره بعد التحضيري ترم كامل ما بلعتها
كيف تكوني تحضيري ونظامك بعدها يتعطل على اي اساس السحب او الاعتذار وانتي غير واقعه على خطه زي خطة التحضيري او خطة كليه معينه من فين ينحسب الاعتذار هذا !!!!!
عشان كذا ماني مستوعب هرجة تجلسي كذا ترم كامل احسها ما تنفع
بس عالعموم ربنا يوفقك ويسهلها لك وركزي بكلامي كويس حاولي تطبقي اغلبه خلال هاليومين (:

موفقه يا دينا ربنا يفتحها بوجهك (: