نداء لطلاب الرياض المنتسبين بجده

[lost soul_8]

^
ياختي انتي بمدينتك ماحسيتي باللي نحس فيه
تخيلي من حجوزات طيران يمكن نلقى ويمكن مانلقى وهذا غير اللي ماسك خط والله يستر عليه من مشاكل الطريق واذا وصلنا رحنا دورنا على شقة وكل شقة بمبلغ وقدره ومن غير الاكل كل يوم من مطاعم جسمي كله صار دهن بسبتها ومن غير ايجار السيارة واللي بتجلس معي حول اسبوعين يعني يبي لها ميزانية بمبلغ وقدرة وفوق هذا كله الحالة النفسيه انا بالنسبه لي عزوبي ماعندي مشكله لكن غيري متزوج وعنده اطفال واحد من الربع معي تخيلي يوم الاثنين اتصلت حرمته عليه وقالت ان ولده جته نزلة معوية ابيك بس تتخيلين شكلة ونفسيته كل شوي يتصل يتطمن وهذا غير المتزوجات والبنات اللي بعيدين عن اهاليهم وشوفي الحالة النفسيه اللي اهلك واهالينا مرينا فيها بسبة السيول بكل صراحة جده لا تصلح للسكن وهي بهذه الحالة صارت مجرى سيل مو مدينه فيها اوادم
اخر شي انا يامحاكيك بغيت اموت الاسبوع الماضي يوم المطره يوم الخميس على ماظن بغيت اروح مع السيل بالله وش تسوى علي هالشهاده اذا قالوا الله يرحمه