متى تتوقعون موعد الاختبارات البديلة لاختبارات اليوم 22-2-1432 اللي تأجلت بسبب الامطار

[سلطان وبس]

خير ان شاء الله وش هالردود الواحد كنه ولد صغير في الروضه
خلاص واضحه الشغله مافيه اختبار الا الترم الجاي وكل واحد يروح لاهله ولايزعجنا اللي حاجز ومرتب نفسه يروح لا ياجل سي اكيد ان الغالبيه موظفين ومو فاضين والجامعة لازم تراعي هالشي . انتهى

[موفق]

الحقيقه قرار تأجيل الاختبار بدون تحديد موعد جديد بنفس الخبر دليل على عدم احترافيه ولامبالاه بضروف الطلاب
( المفترض ان يكون الخبر كالتالي : تم تاجيل اختبارات يوم الاربعاء الى يوم ..... القادم ) كذا يكون الوضع مرتب


مانقول الا اللهم الهمنا الحكمة في القول والعمل



نسافر ، نجلس ، نسافر ، نجلس ...؟

[yahya1500]

نامل التحديث باي معلومة عن موعد الاختبارات البديلة .....
من لديه معارف او رقم دكتور الاتصال عليه وافادة اخوانه

شكرا

[rakan00]

انا مااتوقع يأجلونها لترم الجاي لأن هناك خريجين ومعهم ذا الماده
واتوقع الاختبار يوم السبت

[فهد الشمري]

الله يعين انا رحلتي علي الشرقية بكره الصباح

واختباري المفروض الليلة وماادري وش العمل

هل انتظر ام اسافر غدا

كل الشكر

[salman bin mohmmed]

والله ياشباب ع حسب الي سمعته من واحد من الشباب راح لوكيل كليه الاداره انهم راح يحاولون يختبرون الطلاب خلال ٣ او ٤ ايام كحد اقصى يعني تقريبا السبت او الاحد طبعا هذا للي اختبارهم اليوم الاربعاء مدري عن الي اختبارهم يوم الخميس

هذا والله اعلم