استثناءات قاعدة الثمينات ( اعتقد كذا اسمها ) كيمياء

[Majed7]

آسف أخوي .. انت قصدك الاستثناءات :-

أوكيـ ما رحنا بعيد .. إذا طبقت الطريقه اللي فوق وما طلعت لك 8 الكترونات هذي تعتبر استثناء

مثال عشان تفهم على طول :-

BCl3

الـ B من المجموعه الثالثه - تكافؤ الكتروناته 3 - ومرتبط بـ ثلاثه روابط مع الكلور
3 الكترونات + 3 روابط = 6
شف كيف 6 مو 8 - هذا اسمه استثناء -

مثال ثاني :
SF4

الـ S تكافؤه 6 من المجموعه السادسه .. وحوله أربعه روابط من الـ F
6 + 4 = 10
برضوا استثناء
وهيك ^_^

[صمتي انين]

اخوي طارق هذي القاعده جدا سهله وبسيطه وبحاول اعطيك فكرة مبسطه عنها وان شاءالله اقدر اوصلها بالشكل المطلوب

Exception to the Octet rule
هذي معناتها استثنائات القاعده الثمانيه
مثل ما انت عارف القاعده الثمانيه هي الحاله المختصه بأستقرار الذره المركزيه
بالعامي كذا يعني يوم تجي تسوي شكل لويس مو بعد توزيع الألكترونات ننظر للذره المركزيه ونشوف لو كانت في حالة استقرار اي حولها اربع ازواج = 8 الكترونات حولها او لا
واذا كان مافي حول الذره المركزيه 4 ازواج كنا ناخذ الكترونات من الذره المحيطه ونشكل دبل بوند حول الذره المركزيه بحيث يوم تعد كم حول الذره المركزيه من ازواج تلقاها 4 ازواج بمعنى 8 الكترونات ووقتها تكون هذي الذره طبقت القاعده الثمانيه .
في هذي الجزئيه يحاول يعرفنا بلأستثنائات التي لاتطبق هذي القاعده الي تعودنا عليها
بمعنى انه مراح يكون حول الذره المركزيه 8 الكترونات.
الحاله الأولى the incomplete Octetشرح الحاله : لنفترض عندنا المركب BeH2
اول خطوه حساب عدد الأكترونات من خلال عدد التكافؤ واللي هو نفسه رقم المجموعه
2+(1*2) >>> 2 عدد تكافؤ ال Be وال2 ضرب 1 عدد تكافؤ الH
عدد الكترونات =4
عند التوزيع نضع الذره المركزيه H_Be_H
نلاحظ حول الذره المركزيه رابطتين اي 4 الكترونات وماعندنا اي ذرات زايده عشان نكمل العدد 8 للذره المركزيه ونخليها مستقره وبالتالي لم تطبق القاعده الثمانيه
كذلك في حاله اخرى BF3
عدد الكترونات 24
F
l
F_B
l
F
وعند تطبيق قاعدة لويس نلاحظ ان ال B لم تستقر ويلزمها رابطه رابعه لتكمل التركيب الثماني
ممكن تقول ناخذ من الفلور رابطه ونضيفها للذره المركزيه مثل ماتعودنا نسوي
ولاكن ماكل مايتمناه المرء يدركه
لان الفلور من الهالوجينات اي انه من المجموعه السابعه والمعروف عن هذي المجموعه البخيله انها ماتعطي ولا الكترون للذره المركزيه
النتيجه انه الذره المكزيه فالنهايه لم تطبق القاعده الثمانيه بسبب الحاله الأولى وهي ان يكون عدد الكترونات حولها اقل من 8 .
..................
الحاله الثانيه Odd Electron Molecules
وتعني انه عدد الألكترونات حول الذره المركزيه يكون عدد فردي
مثال:
NO
الخطوه الأولى نوجد عدد الألكترونات من خلال عدد التكافؤ والناتج =11
نضع الذره المركزيه والذرات المحيطه ونبدا توزيع الألكترونات ونلاحظ الشكل الأخير راح يكون
.. ..
N=O
.. .
نلاحظ حول الذره المركزيه عدد فردي وهو 3
هذا يعني انها لم تطبق القاعده الثمانيه بأكتمال الأربع الأزواج والتي هي 8 الكترونات
..............
الحاله الثالثه والأخيره The Expanded Octet
بمعنى ان العدد الأكتروني حول الذره المركزيه يكون اكبر من 8
مثال SF6
بحساب العدد الأكتروني =48
والذره المركزيه بالنظر اليها حيكون حولها 6 فلورات وتربطها بكل فلوره رابطه معناة هذا الكلام
انه راح يكون حول الذره المركزيه 6 روابط يعني 12 الكترون
يعني طبقت الحاله الثالثه انه يكون حول الذره المركزيه عدد اكبر من 8
وبالتالي لاتطبق القاعده الثمانيه
هذي هي الحالات الثلاث
ان شاءالله اكون عرفت اوصل المعلومه زين ويارب الكل يستفيد واي سؤال انا حاظره
ما اطلب الا دعوه في ظهر الغيب وبالتوفيق للجميع