مجموعة من الدورات المحاسبية ...للطلاب والطالبات

[tofe2000]

نسيت سؤال معليش
ادا سجلت في الدورة ودفعت 50 ريال وفجاءة جاء دكتورنا قالنا عندكم اختبار وكان يوم الاختبار موافق يوم الدورة فاقدر اسحب الفلوس والتسجيل ولا خلاص بتروح عليا؟؟؟؟

[girl.k.s.a]

هوا عن طريق سنترآ والا إيش ؟

[tofe2000]

السنترا ماعتقد
لو كان عن طريق السنترا ماعتقد انه راح اسجل مو احلى من لمن تكون الدورة وجه لوجه

[girl.k.s.a]

يمكن بس نحنا سنترآ ,,

لانو قآل طآلبآت كمآن ,,

نحضر عندكم مثلا ؟؟

ههههههههههه تخيل ههههههههههه

[حأقعد عالكاشير]

توني دقيت على واحد من الأرقام ورد علي الرجال
قال الدورة اللي حتكون للبنات بس دورة الزمالة

وحتكون بشاشة في قاعة عندنا مشتركة مع الأولاد وب50 ريال وعليها شهادة

وقاللي دقي بعد شوي اعطيكي رقم المسؤلة عن الطالبات
والحين ادق عليه مايرد :(

[اسامة كردي]

المشاركة الأصلية كتبت بواسطة حأقعد عالكاشير توني دقيت على واحد من الأرقام ورد علي الرجال قال الدورة اللي حتكون للبنات بس دورة الزمالة وحتكون بشاشة في قاعة عندنا مشتركة مع الأولاد وب50 ريال وعليها شهادة وقاللي دقي بعد شوي اعطيكي رقم المسؤلة عن الطالبات والحين ادق عليه مايرد :(

ايوة صحيح الكلام دا ...
بالنسبة للبنات ... الدورة حتنقل عن طريق الاتصال والدائرة التلفزيونية

اختي ... انتي لما اتصلتي انا كنت مع الشخص وسمعتو لما قالك شوية واتصلي عشان يعطيكي الرقم
لانو رقم المسوقة ماكان معاه

واتصلتي تاني ورد عليكي واعطاكي الرقم



تووفي ... بالنسبة للتسجيل في النادي الله يحيك
طبعا احنا في الترم اكتفينا ... والترم على نهايتو طبعا
لكن تفضل وسجل معانا من بداية الترم التاني ... لانو مع بداية كل ترم نطلب عدد من الطلاب

وسؤالك عن انو لو طلع عندك اختبار وقتها ... تقدر تسترد المبلغ
بس بشرط انك تعطينا خبر قبل الدورة على الاقل بيومين


والاخت اللي بتسأل عن نادي المحاسبة لقسم البنات ... نقولك انو لسا ما اتاسس عندكم
لكن احنا في محاولات مع الكلية انها تفك قسم للطالبات


واي استفسار احنا جاهزين

[girl.k.s.a]

مشكورين يعطيكم ألف عافيه ..

[tofe2000]

سابو مره مايجي نسجل دحين؟؟؟؟؟
وادا مره مايجي اقدر اخد دروس تقوية ولا لازم اكون مسجل؟؟
انا من اول ماشفت اعلانات النادي كنت باسجل وسجلت تقريبا 6 ارقام جوال عشان بس اتصل واشوف ايش يشمل النادي وكنت خلاص بروح اسجل بس مادري ايش الي خلاني كسلان ومارحت ومع الايام خلاص نسيت
ايش ممكن يقدملي النادي لو سجلت؟؟؟؟ وشكرااا اخوي على ردودك وان شاء الله ادا مااقدر دحين يصير الترم الجي اول واحد باكون عند الباب

[اسامة كردي]

المشاركة الأصلية كتبت بواسطة tofe2000 سابو مره مايجي نسجل دحين؟؟؟؟؟ وادا مره مايجي اقدر اخد دروس تقوية ولا لازم اكون مسجل؟؟ انا من اول ماشفت اعلانات النادي كنت باسجل وسجلت تقريبا 6 ارقام جوال عشان بس اتصل واشوف ايش يشمل النادي وكنت خلاص بروح اسجل بس مادري ايش الي خلاني كسلان ومارحت ومع الايام خلاص نسيت ايش ممكن يقدملي النادي لو سجلت؟؟؟؟ وشكرااا اخوي على ردودك وان شاء الله ادا مااقدر دحين يصير الترم الجي اول واحد باكون عند الباب

والله ياغالي انتا عارف الترم على النهاية ... وباقي على الدراسة شهر بس
والله يحيك من الترم الجاي ان شالله

النادي يقدملك اشياء كتير ...ووقت ماتسجل وتكون عضو فعال معانا حتشوفهآ

ولو حبيت تسجل في الدورة لحق ... خصوصا دورة الدكتور عبدالعال ... العدد فيها محدود

وبالنسبة لدروس التقوية ... اكيد تقدر تحصل عليها حتى لو مو عضو في النادي

[tofe2000]

يديك العافية حبيبي
بس عندي سؤال
من فين التسجيل بالنسبة لدروس التقوية من نفس النادي؟؟؟
وشكرا