باقي 15 يوم 1ذو الحجه حيبدأ الكرف >> صبايا بليز ساعدوني

[فاقدة أبوها]

وعليكم السلام ورحمة الله وبركاته

صحيح غياب الشغالة حيكون شوية صعب عليك بالبداية ويكركب الوضع شوية لكن ما دام انك تحبي المطبخ لاتخافي من الباقي لأن نص شغل البيت في المطبخ!
وهو اللي يتوسخ بسرعة ويحتاج وقت في التنظيف,

أما باقي البيت فماتشيلي هم نظفي الغرف والصالة واشطفي دورات المياة بالليل قبل ماتنامي أو الصبح أول ماتصحي وزي ماقالوا البنات مادام انه مافي أطفال فالوضع مرة سهل يعني مرة واحدة يومياً كفاية ,
وغسيل الملابس خليه يومين في الأسبوع واستمتعي أثناء الشغل يعني حطي الهيدفون واسمعي أناشيد مسلية او غنّي وانتي بشتغلي صدقيني حتسلي نفسك بنفسك وتحسي إن الشغل متعة مو عبء عليك,

تنفيض الفرش وغسيل الغرف والحاجات الثقيلة هذي ممكن تأجري شغالات بالساعة من المكاتب يساعدونك فيها وان شاءالله ماتحتاجي لها لحد ماتجي شغالتكم الثانية.

ربي يوفقك ويسهل لك الأمور لحد ماتيجي الثانية لأني مجربة زي وضعك بس الفرق انو بيتنا ماشاءالله مرة كبير ويحتاج جهد كبير فمن جد تعبت فيه والحين منبهة الشغالة اذا تبغى تسافر تقولي قبلها بفترة ثلاث شهور عشان يمديني اجيب غيرها.