التكـــليفــــــ .. استفسار من الطالبات المستجدات..

[سكون الاعماق]

التكليف الاستاذه تحدده ممكن يكون برزنتيشن بس بالعربي تختاري موضوع او تحدده الاستاذه وانت تجيبي معلومات عن الموضوع مثلا متى نشأ مشاكله حلوله وكذا عن طريق شرائح وانت تشرحي على السبوره ....

او ممكن عمل تطوعي تروحي اي مكان جمعيه خيريه -دار ايتام -دور حضانه حتى لو حضانه الجامعه -سجون ....وتطوعي فيها عدد معين من الساعات وبعدين تكتبي للاستاذه تقرير عن تجربتك..

او ممكن تحضري دورات -محاضرات زي اللي تقيمها الجامعه وتكتبي للاستاذه اش كان موضوع المحاضره واش استفدتي....زي كذا

او ممكن مجله تسويها انت وصحباتك او مطويه ...

او تختاري عدد معين من الاشخاص 5 مثلا وتجري عليهم اختبار بسيط وهذا عادة في ماده الاحصاء النفسي ..

لكن كله راجع للاستاذه هي اللي تحدد وش التكليف اللي تبغاه منك وعادة مايكون تعجيزي ...

بالنسبه للتسليم هي عادة راح تبلغكم متى تبغاه واذا ماذكرت لازم تسألونها لان الدرجه تعتمد على وقت التسليم ..نصيحه الاستاذه اللي حددت لها استاذتها التكليف تبدأفيه من الان قبل الدوريات علشان لاتضغط نفسها...وشكرا

اتمنى اكون افدتكم