متى نسمع بقرار طرد او فصل الشواذ..أو حتى تأديبهم.؟؟

[الصريحه]

المشاركة الأصلية كتبت بواسطة الدُنيا مدرسة السلام عليكم ورحمة الله وبركاته يا بنات الموضوع جدي ومهم ليش بعضكم الله يهديهم يحاول يقلل من أهميته أوكي فيه مواضيع ثانية مخالفة في الجامعه بس برضوا هذا واحد من أهم المخالفات والأخطاء اللي لازم ننظر لها نظرة جدية وعلى قولة المثل أول الغيث قطرة يمكن مناقشتنا لهذي الظاهرة تفتح لنا ظاهرات أكبر من كذا وبإتحادنا وإصرارنا نقدر بإذن الله نحلها وعلى قولتك يا أختي أول خطوة للقضاء على المشكلة هي الإعتراف بها يا جماعة الموضوع ماهو مجرد حالات بسيطة الموضوع صار ظااااااااااااااااهرة وبسكوتنا سمحنا لها بالتفشي واللي يقولون حالة نفسية ممكن يكون كلامكم سليم يا جماعة احنا في الجامعة أسرة وحدة لا تقولوا البنت بدت تتفلسف من جد أتكلم يعني إذا وحدة اتضضرت حيوصل الضرر للباقين لو أحد أفراد أسرتكم -والعياذ بالله- عندو حالة نفسية حتسكتوا عن الموضوع وتسيبوه فحاله لا طبعاً بتعالجوه بأي طريقة وبالنسبة لحكاية الطرد أنا أبداً معارضه لهالفكرة لأنها ولو وصلتنا لنتيجة حتكون سلبية 100% لكن كل شيء بالتفاهم يجي يا بناااات ترى هذولا الشواذ أغلبهم يمكن 90% بناااااات زيهم زيننا اللهم بدو بالتقليد الأعمى وغيروا ستايلهم وحركاتهم أنا أفتكر لما كنت أولى تحضيري فية بنت كانت مسترجلة وقلت للبنات بروح أمر من عندها وأشوف البنت هذي ايش والله يا بنات أسلوبهااا هااادي في الكلام ونعومتها واااضحة وطبيعيه ما فيها أي شيء بس خربت نفسها باللبس وقصة الشعر الله يعين بس أنا أقتراحي لهالموضوع عمل ملتقيات إرشادية بين الطالبات والمسؤليين علشان يكون فيه تواصل مو البنت ما تعرف الأستاذة إلا في المحاضرة والعلاقة بينهم علاقة تدريس بحتة! واللي تقول مين داري عنكم ومين حيسمع صوتكم فعلاً هي صادقة بس المسؤوليه الكبرى مو علينا احنا يالبنات مسؤولين الجامعة هم اللي بيدهم الحل وأكيد حيتصرفوا بعقلانية مو طرد وما طرد أما لو المسؤلين غسلوا أياديهم من مشاكل البنات هنا المصيبة والله المستعان

راااائع وجود ردك بين الردود.,

وانا مؤيده كل كلمه .,,قلتيها.,,