قصتي مع الدرآإسه =)

[Mr.Ambitious]

مبرووك قبولك وإن شاء الله تدخلي الطب

بخبرتك بالدراسة حتدخلي طب إن شاء الله

وانا برضو من دفعة 28_29

وانا صغير .. ماكان ليا طموح يعني ايش ابغا اصير لمن اكبر

بس جتلي فترة واتنومت بالمستشفى الجامعي بـ ايام التانوي

وشفت طلاب الطب وبالصباح اقوم من سرير واحضر محاضرات عملية ليهم اتفرج

حببوني بالميديسن ودخل راسي

وشديت بالامتحانات واتخرجت بمعدل حلو وانقبلت بالفرز تحضيري علمي

وكان وقتها اول دفعة للتحضيري

بس ماكان في احد يساند او يعاوني

عشان كدا مارحت موعدي قررت اشتغل و اكون نفسي


شلت الدراسة من راسي

اشتغلت الحمد لله وبعد فترة اخدت قرض وفتحت مطعم

بس لسه اشوف اللي بحواليني كلهم معاهم شهادات واللي بيدرس

ومديري يقول لي افرض لو انحرق المطعم وافرض لو اني فصلت وجا مدير غيري وطيرك

ايش بتسوي حينها

فكرت وفكرت ومن جد كلامو صح

وقدمت ع الجامعه وانقبلت الحمد لله :)

وبقدم استقالتي قبل ذي الحجة واخد اول شهر بالدراسة اجازة ( استغلالي خخخخ )


ف حاب اقول للي ما انقبل او صارت ليه ظروف بالسنة التحضيرية ونزل معدلو

عادي اسحب مافي شي لو اتاخرت سنة او سنتين