أرجو الدخول بسرعة

[ulquiorra360]

بسم الله الرحمن الرحيم

شباب انا نسبتي الموزونة 78.47
يوم الربوع موعدي يوم 23 و انا طبعت و ورقة و كدا
الورقة إلي طبعتها كان مكتوب فيها الموعد تم على المعدل الموزون العلمي
و الترشيح على المسار الإداري و العلمي
اليوم رحت صفحة الطباعة و في الملف تبعي
و الورقة اتغيرت
مكتوب فيها المعدل الموزون تم على المعدل النظري و الترشيح
على المسار الإداري او التأهيلي العلمي
انا يوم الربوع اخد اي وحدا فيهم
و كمان يعني انا دحين انقبلت علمي تأهيلي او إداري
و الرسالة حق الإسبوع إلي فات انساها؟؟

[DR_Mo0oDy]

المشاركة الأصلية كتبت بواسطة ulquiorra360 بسم الله الرحمن الرحيم شباب انا نسبتي الموزونة 78.47 يوم الربوع موعدي يوم 23 و انا طبعت و ورقة و كدا الورقة إلي طبعتها كان مكتوب فيها الموعد تم على المعدل الموزون العلمي و الترشيح على المسار الإداري و العلمي اليوم رحت صفحة الطباعة و في الملف تبعي و الورقة اتغيرت مكتوب فيها المعدل الموزون تم على المعدل النظري و الترشيح على المسار الإداري او التأهيلي العلمي انا يوم الربوع اخد اي وحدا فيهم و كمان يعني انا دحين انقبلت علمي تأهيلي او إداري و الرسالة حق الإسبوع إلي فات انساها؟؟

احب ابينلك شي انت مو 80 ولا فوقها يعني انت شغلك كلو يعتمد على المقاعد الشاغره بعد يوم الثلاثاء حلو يعني يلي نسبهم 80 ومافوق وموعدهم الربوع يعني 90 في الميه انتظام اما انت الربوع ونسبتك تحت 80 يعني اما انتقالي علمي او تاهيلي علمي كلو يعتمد على المقاعد الباقيه انشاءالله تكون فهمت
والله يوفقنا كلنا يارب

[ulquiorra360]

فاهم عليك بس انا اوديلهم اي ورقة إلي نزلت جديد ولا حق الإسبوع الماضي
و بعدين ترا انا ابا علمي مايفرق انتظام انتقالي تأهيلي اهم شي ادرس علمي لانو سنة وحدا ماتفرق مو لازم مكافئة المهم الدراسة

[ǁ غــلأآإ ، رٍوٍحــي ǁ]

خذ ممعاك الورقتين ..
وهنآك يتفآهموا فيها ^^
بسس الاولادد حسسب اللي شفته ان لسسه الانتظام مفتوح لكم ..
يعني إن شاء الله انتظاام او انتقالي ^^
مبروك مقدمـآ :)

[DR_Mo0oDy]

الورقه التانية
بس عشان تطمن خد الاتنين
والله يوفقنا كلنا

[ulquiorra360]

انا افهم انو الرسالة انو اترشحت على المسار الإداري خلاص مالها داعي
و دحين اقدر ادخل علمي

[ǁ غــلأآإ ، رٍوٍحــي ǁ]

انا افهم انو الرسالة انو اترشحت على المسار الإداري خلاص مالها داعي و دحين اقدر ادخل علمي

ياأخوي خذ الاثنين بسس قدم لهم ورقه الترشيح العلمي :)
واحتياط خليها معاك الترشيح الاداري ^
وان شاء الله يقبلوك بالمسار اللي يريحك

[ulquiorra360]

ترا انا اقصد رسالة الجوال

[غايبـ عنيـ]

والله نفس حالتكــ بآلظبط .. ششفت الورقه اليوم كاتبين الترشيح عل الاداري او التأهيلي العلمي
علما بأني اسستلمت البطاقه الجامعيه وانقبلت عل الاداري انتظام من قبل اسبوع تقريبا
فمــآ أدري ايش الحل يآ أخوــآآآآآن ... اراجعهم بكرا عل اساس اغير مسساري لعلمي ولا اسستنى منهم رسـآله عل قول بعض الشباب
بليــز اللي عندهـ معرفه يردلي خبر ...
والله يوفق الجميع

[AM00NA]

زي ماقالوا خذ الورقتين معاك ..
وهناك اعطيهم هيا وقولهم اناااااا ابغى ادرس علمي (تأهيلي انتقالي اي شي المهم ادرس )
وهما راح يساعدوك لاتشيل هم ..
وموفق ان شاءالله ..