التسويق باللغه الانجليزيه bus 461

[Francesco82]

اخواني والله المادة دي سهلة ومافيها شيء صعب ازا كان رئيس اللجنة الدكتور / طارق خزندار ودا اللي انا متاكد منو من قائمة الشعب الدراسية فا احتمال كبير حيجيب لكم الاسئلة اللي ارفقتها انا 41 فقرة متأكد منها تمام واللي خانتو زاكرتي 9 فقرات مني قادر اتزكرها احساسي يقول انو الدكتور حا يجيب لكم دي الاسئلة بالنص لانو على حسب ما عرفت وفهمت من الدكتور طارق انو اخد فكرة انو طلاب مادة التسويق بالانجليزي ما عندهم خلفية على الانجلش وصار يركز على الاسئلة دي بس يغير فيها اشياء بسيطة وكمان ترتيب الاجوبة من ترم لترم تاني وجملته المشهورة ( يا شباب اللي ما يعرف الانجلش مو زنبي يروح ياخد دورة الى المستوى الرابع وبعدها يجي يختبر عندي انا مو جاي لكم ادرس انجليزي , ارحموني انا بادرس لكم تسويق بالانجليزي ) معنى الكلام دا انو اخد فكرة كبيرة عن شباب التسويق انو ما عندهم انجلش فاالافضل يا شباب بعد مزاكرة المادة تماما , مراجعة الاسئلة وصدقوني الدكتور جدا متعاون ومتساعد لدرجة كبيرة واللي يقرأ الاسئلة اللي ارفقتها حيعرف انو الدكتور والله ما قصر رايته بيضاء بس الباقي عليكم انتو شدو الهمة معاه وان شاء الله ربنا يوفقكم يارب واي استفسار احنا في الخدمة في حفظ الله اخواني

[الباشه]

الله يعطيكم العافيه ويجزاكم خير
اسئل الله العظيم في هذا اليوم الفضيل
ان ييسر اموركم ويفرج همكم