السنة التحضيرية ف عزوز =موت احمر+نفسية محطمة+رسوب

[ميعاد]

ابدا التحضـــيري مو تعجيييز زي ماالكــل بيقـــووول..

والله لو اديتيها شوية اهتمااام بتااخذي معدل يرضيييكي..

والدكتووورات مالهم دخل في الدرجات ’ لافي مشااركه ولا شي..

حيكووون كويزين , كل وااحد عليه 30

والنهاائي عليه 40 سااروا ميه ,, يعني بيدك تضمنيهم,, بس تذااكري اول باول ومااتخلي ليلة الاختبار..

اللي يقول انو لازم يكوون عندك لغه..

هوا لانو اختباارات ذي الماااده مووووحد رغم انو المستويياااات مختلفه..

فيبغاالو تجمعي من كل المستويات..

ومو بس مستواك اللي انتي فيييه

والمواااد بيشرحوووها بالعربي, بس المصطلحااات بالانقلش..
والاختبارات انقلش وبيترجموا الصعب..
الموااد حتدرسي 9 مواااد في السنه كلها..

ترم خطه ب

كيميا واحياء
واحصااء وانقلش


ترم خطه أ

رياضياات وفيزياء

وانقلش ومهارات اتصال وحااسب..

مررره سهلله ونفس اللي تااخذ في الثاانوي..

وانتي وحظك تبدي بخطه الف ولا ب

بس لازم كل الموااد تااخذيها

ولا تعمدي على الدكتورات مو كل شي بتقووله في المحاااضره( البعض )

لو لفييتوا في المواضيع بتلاقوا بعض الملخصاات لو تبوا تتطلعوا

في المواضيع المثبنه كمان

اتمنى لكم التوفيق وان شاءالله تدخلوا التخصص اللي تتمنونه يااارب

واي سؤاال اناا حااضر..

[مـــآجد]

انا من تجربتي بالجامعه ولا محاظرة استفدت منها كلها يعطوونا اشياء اعامة والاختبار يجي في الغميق

عشان كذا كنت اعتمد ع مدرسين خصوصين وع الملخصات

[مَـزٍآج ..}..]

كلآم فآضي واللهـ ..

المشكلـه بعض الطلآب مآ يعرفوا يفرقوا ان نظام الجامعه غير الثآنويـه ..

وانا طبعاً ما ازكي نفسي .. في البدإأيه مآ كنت اقدر استوعب النظام انه تغيرٍ .. لأنه 12 سنـه سستم
وفجأه يتغير كل شئ .. السمستر الأول بيكون صعب شوي ..

يعني الثآنويه المدرس يعطيك دفتر والأسئله ما تطلع منـه ..

الجامعه غيرٍ .. مسؤوليه الدكتور يعطيك التوبيكـ للدرس وجست مقدمـه مره سسمبـل ..
وكم اقزامبل والبآقي عليكـ انت .. تبحث تحل امثله اكثـر مع نفسكـ ..
تجيب مصآدر خآرجيه .. يعني بالعربي لازم تسوي سيرش وتدور ..

وبصرإأحه لآ تحكموا على شئ انتم مآ جربتوهـ ..

نظمي وقتكـ .. واول بأول .. وراح تدخلي الكليه الي تبغها ..
وشئ طبيعي الطب معدله عالي .. لأنها مسؤوليه كبيرهـ في المستقبل ..
وبيدكـ اروح نآس ..

وبالتوفـيق !!

[اسامـــه]

المشاركة الأصلية كتبت بواسطة مَـزٍآج ..}.. مَـزٍآج ..}..

معليش عندي سؤال من اول ابغا اسأله الحين لما تبغا تسوي تسجيل دخول كيف تكتب اسمك فرضا انمسحت البيانات او كنت جالس على كمبيوتر ثاني ؟؟؟

[xanaza6]

من هالناحيه فصادقين, تعلمت من الدكاتره معلومات شويه لكن دكتور الفيزيا كل مراجعتي مني ومو من الدكتور, مااايحضر اصلا, بس تعودت على هالنظام والحمدلله درست وحليت لحالي وجبت فللللللل

عشان كذه نبهت ان الطلاب يعتمدون على نفسهم خلاص مانتو في الثانويه, وبعد مانتخرج هنا خلاص محنا في الجامعه ونبدا حياة العمل, والحياه عباره عن خطوات كل وحده مختلفه عن اللي قبلها وكل شخص يمر بمراحل وتجارب غير عن الشخص الاخر ولكن كلنا نهايتنا ومصيرنا واحد.

[® βutteяfly aηgel«~.]

المشاركة الأصلية كتبت بواسطة طالب طب في المستقبل وعلى فكره الدراسه بالانجلش اسهل من العربي

صح كلامك

في البدايه تحسيها صعبه عشان منا متعودين ندرس بالانجليزي
بعدين راح تتعودي وتحسيها اسهل بالذات انه كللله ماخدينه في الثانوي
ماشاءالله الاعضاء ماقصروا معاكي
انتي بس استخيري وربي يكتبلك اللي فيه الخير ان شاءالله
وحاولي تذااااكري من اول محاضره وتستغلي كل دقيقه وتعتمدي على نفسك لانه في الجامعه
راح تشوفي اشكآل وألون *_*
اله يوفقك حبيبتي
في حفظ الرحمن ~