تجمع للطلاب الراغبين بتخصص لغة انجليزية semester 3

[joyboy]

السلام عليكم ورحمه الله وبركاته
اشكر من كتب هذا الموضوع اللي يفيد الاخوان خاصه الجدد في تخصص اللغه الانجليزيه, وبما اني في المستوى الثامن وتخرجي الترم القادم ان شاء الله , انا حاب اني اقدم لكم بعض النصائح المتواضعه واللي تفيدكم باذن الله. اولا التخصص غير صعب جدا لكن يحتاج المذاكره لانه زي ماانتو عارفين بعض المواد ادبيه ولغويه, وهذي مواد جديده علينا او اصح مادرسناها من قبل في ايام الدراسه,وقد يتفاجأ البعض من صعوبة المواد وهي ماهي صعبه, وايضا لاتنسوا بعض المواد الادبيه
فيها نوع من الملل لان فيها شعر وروايات وقصص واغلب الطلبه مايحب النوع من هذي المواد, لكن هي سهله باذن الله, وانصح الطلبه اللي من المستوى الثالث ان يحاول انه يمشي مع الخطه الدراسيه وينزل كل ترم 18 ساعه بشرط انه يذاكر جيدا والا بينزل معدله وعشان تتفادى ان ماتزيد دراستك عن اربع سنوات في الجامعه, وانصحكم ايضا انكم دايم تحرصون تعرفون من هو دكتور المادة قبل لانه اذا كان الدكتور معروف عنه بالخير تاكد انك بتاخذ معدل مرتفع. ونصيحتي الاخيره لكم انكم تحرصون تسألون الطلبه اللي في المستويات اللي قبلكم وتاخذون منهم معلومات عن المواد عشان ماتتيهون في التخصص. هذي بعض النصايح اللي مريت فيها انا وزملائي في التخصص , واللي عنده استفسار انا تحت امركم
. وربي يوفقنا جميعا..