الطلاب الي ماخذين فل مارك في الفيزياء والرياضيات

[فاطِمه]

المشاركة الأصلية كتبت بواسطة د.شيمو لو سمحتوا ابغاكم تنصحوني في دا موضوع المذاكرة انا مشاء الله عليا فاهمة الفيزياء والرياضيات مزبوط وعلى قولة المصارية اجدع مسألة احلها لكن مادري اش يصير فيا وقت الاختبار بعض الاحيان يطلع حلي ضمن الخيارات ومادري كيف تطلع درجتي وحشة ماني عارفة السر مع العلم انا لما كنت في الثانوي كان معدلي مايقل عن 98 وكان يضرب فيا المثل في العبقرية والشطارة والى الان ولكن في الاختبار يخيب ظني وخاصة الرياضيات واجيب درجة وحشة ماني عارفة السر معني اذاكر بتركيز وتمعن فمني عارفة الغلط من فين هل هو مني ؟او من صعوبة الاسئلة؟بس لوكدا ماكان في ناس ماخذين فل مارك او من كثرة المذاكرة؟او ممكن حسد ؟لاني في المحاضرة دايما اكون متجاوبة مع الاستاذة بشكل فعال وقوي فأرجو منكم أعزائي تنصحوني يعني كيف اطور نفسي واجيب درجات عالية واريح بالي ابغى استفيد من خبراتكم مشاء الله عليكم وعشان اغير من طريقة مذاكرتي واكون شاكرة وممتنة لكم من كل قلبي

"
"

ماشاءالله عليك ..
بالنسبة للرياضيات .. كلنا طلعنا وقلنا بناخذ 30 لا محاله ,,
لأن كل النتائج إلا تجي على بال الطالب توضع في الخيارات الأربعه
ومدامك فاهمه اختي :/ فـ أتوقع عندك مشكله في ..
1) الاشارات .. لازم تنتبهي لـ إشاراتك ولاتنسي إنك تحلي بالانجليزي ,, يعني انتبهي إن إشارة العدد تكون يسار الرقم نفسه ,, للأسف / كثير بنات أعرفهم يركزو على الإشاره إللي على يمين الرقم ,, وياخذوها وهي أساساً لرقم ثاني !
2) التركيز .. لاترتبكي أثناء الإمتحان واقري السؤال عدل :/ أحياناً يكون تعويض مباشر ,, وانتي تعفسي في الدنيا >> مثلي لما جتني مشتقة ( تان في كوتان في اكس ) << جلست عليها مدري كم دقيقه ,, وأنا أحاول أشتق ثلاث دوال مضروبه وفي النهاية اكتشفت إن التان تروح مع الكوتان والمفروض أشتق الاكس بس !
وأحياناً تتخيلي إنها تعويض مباشر والمفروض تعفسي الدنيا زي ماجاني ( 1تربيع - 1 على 1 تكعيب -1 ) سويت تعويض مباشر مع إني المفروض أعفس الدنيا وأفك وأحلل خخخخخخ !!
3) إذا وصلك سؤال ماعرفتي تحليه ,, اتركيه وروحي للي بعده على طول ولاحتى تفكري فيه ,, وارجعي له في النهايه ..
4) حاولي تعززي ثقتك بنفسك ,, وارسلي اشارات إيجابيه للكون بـ أنك قد تجيبي علامه حلوه , والكون بيرجعها لك بإذن الله ( الفكره مستوحاه من كتاب السر ) :)

.. هذا إلا عندي وأتمنى لك التوفيق :)