إختباراتنا .... نفسياتنا .... تخصصاتنا

[bint aboha]

المشاركة الأصلية كتبت بواسطة justice . الحياة مو بس طب أو هندسة (: صحيح إننا أحيانًا لما نشوف الدكاترة أو طلاب الطب بالسكرب السماوي واللاب كوت نتحمس ونحس إننا نبغا نصير زيهم وإن كلية الطب هي مكاننا .. لكن مو كلنا ننفع للطب أو للهندسة .. ومو كلنا راح ندخلها ومو كل اللي دخلوها راح يكملوا فيها ! أنا مثلاً كان بإمكاني أدخل هندسة لكن ما أبغا .. لأني مرررة ما أحب الرياضيات وعارف إني ما راح أمشي فيها , والطب يتطلب إن الواحد يضحي بأشياء كتيرة مرة .. ما راح أضحك على نفسي وأقول راح أتحمل لأني برضه عارف إني مني من النوع اللي ممكن يجلس أكتر من ساعة مذاكرة بيوم عادي , ليش بس حاطين الطب والهندسة قدام عيوننا ومغطيين عالتخصصات التانية ؟! فيه تخصصات كتيييييير لها مستقبل مرة مضمون وحلو .. طيب إذا كان الواحد نفسه في تخصص طبي .. لكن ما قدر يدخل الطب أو ما حيقدر يتحمل الكرف حق الطب إش يسوي ؟! يدخل تخصص قريب للطب .. تخصص لما يتخرج منه يشتغل بالمستشفيات في المجال الطبي فيه كلية العلوم الطبية التطبيقية وكلية الصيدلة , كليتي كـ مثال .. بإذن الله مستقبل مررررررة حلو للي خايفين أو متشككين منها .. يوم الثلاثاء الماضي كنا بناخد محاضرة عملي بالمستشفى .. ولما جاتنا المحاضِرة مس جولي قالت لنا إنه كان فيه ناس من وزارة الدفاع ومن الجيش ورتب عااالية في زيارة لقسم الأشعة , ويبغوا الطلاب اللي على وشك التخرج عشان ياخدوهم يشتغلوا عندهم ! تخيلوا تجيكم الوظيفة قبل حتى ما تتخرجوا !! ما زالت الفرص موجودة لكل التخصصات .. أهم شي الواحد يختار تخصص يناسبه ويحس إنه راح يكمل ويستمر فيه طول حياته . استخيروا .. وفكروا 10 مرات قبل اختيار التخصص .. عشان ما تتعبوا بعدين في التحويل بين الكليات وتضيعوا ترم أو ترمين من عمركم عالفاضي سوري عالإطالة .. سي يو .

د. جاستيك لا أعلم ماذا أقول فكل مافي خاطري قلته أنت مشكور دكتور والله يوفقك يارب

وكلامك عين العقل والله يسهل عليك وإن شاء الله تكون ممن يأخذون هذه الوظيفه والله ولي

التوفيق دعواتك لنا أشكر لك مرورك ولو إني أعلم بإنك مشغول ف الإختبارات ربما بس حبيت

إن الكل يستفيد من دررك دمت طيبا

[JuStice]

المشاركة الأصلية كتبت بواسطة bint aboha د. جاستيك

.

احمـ .... جستس

أنا لسا سنة تانية مني دكتور بس ناوي عالدكتوراة إن شاء الله (:

موفقين
.

[bint aboha]

المشاركة الأصلية كتبت بواسطة ωαнм موضوع فكرته مرا روعه ’ عشان الواحد يستفيد من افكـار غيره , انا عن نفسي دخلت الجـامعه بس بدرجـاتي وليس بطموحي *،* لان ماكان لي طموح او شيئ محبب الى قلبي ’ الحين وقريبا جدا اكتشفت ان خـاطري في علوم طبيه قسم تغذيه , لان انا هدفي اتعلم شيء واخرج منه وانا مستفيده منه بحياتي حتى لوماتوظفت لان اناعن نفسي مو كثير هدفي الوظيفه ’ لكني مو متيقنة اني راح انقبل فيه *،* وكلام دكتور رمويو مرا صح ’ انو ماندخل الشيء الي نحبه لا ندخل الشي الي يطالبه فينا الزمن هذا ’ بس انا احس هالكلام ينطبق اكثر عالشباب لان هم اللي لازم يتوظفون لان الرجل هو الاساس في العمل لان بجد في هالزمان لو دخلت الشي الي انت تحبه وماكان له مستقبل تعب سنينك يروح هباءا منثورا !! بس البنت في نظري ممكن تدخل الشي الي تحبه لانها مو مجبورة تشتغل لانها لو دخلت الشي الي تحبه ممكن تبدع في مجالات كثير وتكون انسب لها في حياتها وتناسبها كبنت ’ اممم هذا رايي ’ واتمنى من قلبي لي ولكل طلاب و طالبات السنه التحضيريه المعذبين ان يحصدوووواا مايريدواا [ وان يكون خير لهم في دينهم ودنياهم ] ودي ’

هلا والله ب ωαнм فديتك مشكوره ع المرور والله يكتب اللي ف الخير وصح لسانك انا

قلت لو بقول عشان الوظيفه راح يقولوا إنتي ماعندك أمال بس همك المال فعشان كذا جبتها

بطريقه أخرى إن شاء الله تدخلي التخصص اللي تبغيه وتفتح لك أبواب الخير حيث ماكان

المشاركة الأصلية كتبت بواسطة justice . احمـ .... جستس أنا لسا سنة تانية مني دكتور بس ناوي عالدكتوراة إن شاء الله (: موفقين .

سوري السموحه بس كنت أحل واجب الرياضيات وماني مركزه << ترقعها

يلا إن شاء الله تكون دكتور بس انا احب أعطي الواحد أمل وحافز ع أن يصل إلى مبتغاه

موفق