هزلت خلاص .. وياقلبي لا تحزن

[زيـــنـــة]

ما حتسكتو أظن كدا يا بنات ولا مو ؟

ترى الوضع كل مالو يتأزم ، من جد أنا مو مصدقة اللي بيسير في قسم الانجليزي ، يا هوووو يا ناس يا عالم ايش الفوضى دي ؟

د.رندا مالها مسؤول يحاسبها و يشوف ايش بتسوي ؟
يعني بجد سكوتنا هوا اللي مخليها تسوي كل اللي في راسها ، بس لمن نشتكي و كلنا نتجمع أكييييييييييييد ما حيسير كدا ،،،

بنات من جد اذا حتكملوا كدا اعذروني و اسمحوا لي اقول لكم انكم تستاااااهلوا ، من جد نستاهل اذا كل وحدة حاطة لسانها في فمها و ساكتة و تقعد تولول في المنتدى و تسك فمها بسستة في الجامعة !!!

كدا مرررررررررة ما ينفع ، تبغوا من قلبكم لازم تتعبوا و توصلوا الكلام لأكبر راس في الجامعة ، و اذا ما تبغوا أشربوا من دا كتير و ياما حتشوفو لأنها ماسكة القسم جديد ، يعني تتخرجوا و هيا لسا في !!!

ياريت مرة وحدة أشوف مظهر تآلف و ترابط على كلمة حق تنقال في حق كل البنات اللي بيضيع قدام عيوننا و احنا مخروسين وواقفين نتفرج ،،،

[لـــندســـي لـــوهـــان]

يعني مو معقولة طلعت روحنا على بال ماسجلنا في الصيفي ودحين بكل سهوله يبغوا يحذوفونا < استغفر الله

املي بالله كبيررررررر وان شاء الله ربي ماراح يضيع تعبنا


على العموم هادا القسم شغالين لعب بنفسياتنا الله لا يسامحهم