ضع هنا ماحصل بالدوره التاهيليه لخطه ب

[hnno]

السلام عليكم

أنا اليوم أول يوم لي

في البداية أحب أوضح شئ وهو لمن سجلت في الأوديوس في الدورة التأهيلية أضفت المواد ونسقت جدولي تمام حسب الأيام والوقت.... تفاجأت عن وصولي للجامعة أنهم جالسين يوزعو علينا جدول جديد أنا قلتلهم أني خطة ب وأعطوني ورقة فيها جداول نفس نظام الجداول اللي بالأوديوس ... قمت نسقت جدولي من أول وجديد ورميت الجدول اللي سويته في الأوديوس
تبغو الصراحة إنقهرت مافي نظام ولا إلتزام
المهم ماعلينا لقيت قاعة فاضية دخلت فيها جلست أنسق جدولي وما إنتبهت إلا والوقت مشئ وكان فيه محاضرة وقتها بدأت الساعة خمسة عصر المهم لحقتها وكانت رياضيات 111 إسم المدرس حمزة ، حمزة إيش ما أدري بس كان شكلو حبوب وباين من كلامه أنو حضري طيوب بس المشكلة أنو يكتب ويمسح وماتلحق تكتب معاه
يعني يا أنك تكتب وما تفهم أو تفهم وتنتبه معاه بس راح يروح عليك اللي كتبه
أنا والله ماكتبت
شرحه حلو سهل وكان نفسي كتبت اللي على السبورة بس هو الله يهديه يمسح بسرعة مع أنو فيها أكثر من سبورة ليش مايستخدمها كلها؟
أنا إكتشفت أنو الكتاب مالو داعي وكويس أني لسه ما إشتريته لأن اللي بيكتب معاه في دفتر هوة المهم والزبدة واللي بيجي في الإختبار
خلصت المحاضرة بعد ما جاني ألم أسفل الظهر صلينا المغرب وبدأت المحاضرة الثانية........يتبع