أيهم تفضـــلـ /ـين ؟؟

[Life as Game]

مشكورة خيتو على النقاش ..
في الحقيقة ساختار لاهلي الاختيار التاني ..
السبب انا لا احب ان ينظر الناس الى اهلي..لاني لما اروح للسوق والله ما احب اطالع في الحريم ولا احط عيني في عين وحدة..
بس مرات اشوف عباية مو عباية والله تبرق من جد كريسالات وزخرفة ملونة بالوردي..مثلا..
لا وكمان مخصره ..ولما اطالع في الوجه ..
انواع المكياج وطبعا بعضهم ملكي وبعضهم كاشفات..سوري هنا ما بكدب والله اطالع لين تبتعد..ولو كنت خبير ترقيم ومو خايف تفشلني او شي والله لاروح ارقم..

بس انا ودي اعرف شي ..ليش البنات يسوو كدا؟؟ليش يحبوا نظرات الشباب تتجه لهم؟؟ولما احد يتحرش يقولوا صايع ومدري ايش ...
والله لو وحدة منهم تلبس العباية العادية ما احد يطالع فيها..

[υикиσωи]

المشاركة الأصلية كتبت بواسطة life as game بس انا ودي اعرف شي ..ليش البنات يسوو كدا؟؟ ليش يحبوا نظرات الشباب تتجه لهم؟؟ولما احد يتحرش يقولوا صايع ومدري ايش ... والله لو وحدة منهم تلبس العباية العادية ما احد يطالع فيها..

معليش مو كل البنات كدا .. أحسن الظن بالمسلمين ..
وازا انتا كنت تفكر بدي الطريقة فالله يشفيك من
v
v

المشاركة الأصلية كتبت بواسطة life as game سوري هنا ما بكدب والله اطالع لين تبتعد..ولو كنت خبير ترقيم ومو خايف تفشلني او شي والله لاروح ارقم..

خيووو .. قبل ما تخاف من الفشيلة ..
خاف من ربك .. وغض بصرك ( وقل للمؤمنين يغضوا من أبصارهم ) حتى لو ايش شفت ..

وازا البنت لفتتك .. برضو من من حقك تتحرش ( على قولك ) .. او ترقم او غيرووو ..

[Life as Game]

المشاركة الأصلية كتبت بواسطة υикиσωи معليش مو كل البنات كدا .. أحسن الظن بالمسلمين .. وازا انتا كنت تفكر بدي الطريقة فالله يشفيك من v v خيووو .. قبل ما تخاف من الفشيلة .. خاف من ربك .. وغض بصرك ( وقل للمؤمنين يغضوا من أبصارهم ) حتى لو ايش شفت .. وازا البنت لفتتك .. برضو من من حقك تتحرش ( على قولك ) .. او ترقم او غيرووو ..

^^
ككك والله انك كآآآآآآآي
ياهو عالتناقض ..
اجل مرة غض بصرك ومرة تقولي من حقك تتحرش <<ياناس ضعت بين امرين احلاهما مر
طيب السؤال ليش انتي ما تخافين من ربك اولا وتتذكري حديث النبي صلى الله عليه وسلم ..

أولاً : قال رسول الله : (( أيما امرأة تعطرت فمرت على قوم ليجدوا منها ريحاً فهي زانية ))صحيح أبوداود وأحمد والترمذي والنسائي . وقد ورد عن يحيى بن جعدة : أن عمر بن الخطاب خرجت امرأة في عهده متطيبة , فوجد ريحها فعلاها بالدرة , ثم قال : تخرجن متطيبات فيجد الرجال ريحكن , وإنما قلوب الرجال عند أنوفهم , اخرجن تفلات .سنده صحيح عبدالرزاق 4/370

اجل كيف عن وحدة لابسة عباية احلا من اللبس اللي لابستو؟؟
ويبين تفاصيل جسمها ؟؟كأن العباية استرتش <<اتوقع تطلع بعد مدة

وتقولي الله يشفيني؟؟من ايش من غريزة الله خلقها في البشر كلهم ؟؟ هادي اسمها مشاعر..
حتى الحيوان اللي ما يفهم عندو غريزة تجذبو للجنس الاخر من نوعه..
اما إذا لم يكن لديك مشاعر فانا الذي يسأل الله ان يشفيك ..ويدلك لطريق الصواب..

لا وكمان

المشاركة الأصلية كتبت بواسطة υикиσωи ازا البنت لفتتك .. برضو من من حقك تتحرش ( على قولك ) .. او ترقم او غيرووو ..

^^في اي دين هادا؟؟

حاجة تانية ..

المشاركة الأصلية كتبت بواسطة υикиσωи معليش مو كل البنات كدا .. أحسن الظن بالمسلمين .. ..

لعلمك انا قد سألت اكتر اخوياي وحتى اللي مو اخوياي ..
قالوا والله لما اشوف بنت محترمة وعبايتها محترمة والله ما اطالع فيها و لو احد تحرش فيها والله ما اسكت لو..
اما لو لابسة عباية ماشاء الله حلوة والله مهما يصير لها اوقف واتفرج وكلنا شفنا بعيوننا حاجات صارت..
ولنا مواقف ما فيني حيل اكتبها..
عموما مستحيل احسن ضني بوحدة مسلمة بالاسم فقط..
الاسلام مو تاخدي اللي يعجبك واللي ما يعجبك تظربي به عرض الحائط..
سي يو..

[υикиσωи]

المشاركة الأصلية كتبت بواسطة life as game وتقولي الله يشفيني؟؟من ايش من غريزة الله خلقها في البشر كلهم ؟؟ هادي اسمها مشاعر.. حتى الحيوان اللي ما يفهم عندو غريزة تجذبو للجنس الاخر من نوعه.. اما إذا لم يكن لديك مشاعر فانا الذي يسأل الله ان يشفيك ..ويدلك لطريق الصواب..

الله يشفينا الاتنين .. هههههههههههه

المشاركة الأصلية كتبت بواسطة life as game قالوا والله لما اشوف بنت محترمة وعبايتها محترمة والله ما اطالع فيها و لو احد تحرش فيها والله ما اسكت لو..

هوااا دااا .. اهم شي تكون البنت محترمة
وانا ما ادري ايش مفهومك عن العباية المحترمة ..!؟

[Life as Game]

المشاركة الأصلية كتبت بواسطة υикиσωи ^^ قصدي مو من حقك تتحرش او تتفرج ..

هادي ترقيعة مررررة ما تمشي..خخخ تعجبني البراءة اللي فيك

المشاركة الأصلية كتبت بواسطة υикиσωи ^^ هههههههههههههههههههههههههه والاسلام لما يقولك غض بصرك .. ولا برضو انتا تاخد اللي يعجبك وتسيب الللي ما يعجبك ;)

مو سالفة اخد اللي يعجبني واسيب اللي ما يعجبني ...
انا قلت لك لما الوحدة تحترم حالها وماتلبس مايجذب الاخرين فأنا اغض البصر..
اما في حياتي ما قد سمعت واحد يغض البصر عن مذيعة الاخبار او ممثلة في فلم لانها هي بنفسها
لاتريد ان يغضوا عنها ابصارهم..واللي تتمخطر بعبايتها هل توضح لنا السبب؟؟

المشاركة الأصلية كتبت بواسطة υикиσωи هوااا دااا .. اهم شي تكون البنت محترمة وانا ما ادري ايش مفهومك عن العباية المحترمة ..!؟

قلت لك مفهومي ومفهوم الكل عن العباية المحترمة هي العباية التانية..

[υикиσωи]

المشاركة الأصلية كتبت بواسطة life as game هادي ترقيعة مررررة ما تمشي..خخخ تعجبني البراءة اللي فيك

المشاركة الأصلية كتبت بواسطة life as game مو سالفة اخد اللي يعجبني واسيب اللي ما يعجبني ... انا قلت لك لما الوحدة تحترم حالها وماتلبس مايجذب الاخرين فأنا اغض البصر.. اما في حياتي ما قد سمعت واحد يغض البصر عن مذيعة الاخبار او ممثلة في فلم لانها هي بنفسها لاتريد ان يغضوا عنها ابصارهم..

ايوا مالها تفسير الا انك تاخد اللي يعجبك وتسيب اللي ما يعجبك ..
حتى لو شفت اللي قدامك في اسوأ صورة .. برضو دورك كمسلم يخاف ربو انك ما تتفرج ..
لانو مو بسس دي البنت حتاخد ذنب .. انتا كمانا حتشاركها الزنوب .

يعني دحينا لو يوم من الايام ادوك مع اي منتج علبة سجارة مجانا .. حتاخدها وتقول والله هيا جات هدية .. مو انا اللي اشتريتها .. وربي ما حيحاسبني عشان مو انا اللي اشتريتها بفلوسي ..

ولا حتى ازا يوم بنت عرضت نفسها عليك .. برضو ما حتمنتع عشان هيا اللي رمت نفسها عليك ..!!!!!!!!


اظن ربنا وضح الحلال ووضح الحرام ..
وقبل ما تجي تحاسب البنات .. حاسب نفسك ..

المشاركة الأصلية كتبت بواسطة life as game واللي تتمخطر بعبايتها هل توضح لنا السبب؟؟

لا دي انا معاك .. بسس برضو مو من حقك تتفرج .. هع ..

المشاركة الأصلية كتبت بواسطة life as game قلت لك مفهومي ومفهوم الكل عن العباية المحترمة هي العباية التانية..

تقصد عباية عالراس مو ..!؟ ودي هيا المحترمة في نظرك ..!

طيب الفقه المعاصر اجاز العباية عالكتف .. مو ..!؟
وبعض المذاهب والعلماء اجازو كشف الوجه ..
يعني مسلا اللي ماشيين على دا الاساس .. ما سارو محترمين ..؟!!!!!!


فاللي ابا اقولو انو مو كل وحدة ما لبست زي العباية التانية ما سارت محترمة ..

ولما تشوف وحدة مصرية ولا هندية وعبايتها حتطلع من كتر النقوش والفصوص .. استغفر الله
ههههههه .. ليش ما تطالع ...!!..

اظن فهمت قصدي .. ^_*