ابي مشورتكم..في موضوع مهم

[صمتي..صدى جروحي]

بسم الله الرحمن الرحيم
السلام عليكم ورحمة الله وبركاته

اخواني واخواتي اعضاء المنتدى..كيفكم انشاء تكونون بخير..
اتمنى انكم تفيدوني بشوركم..

انا ابغى اعتذر عن الترم هذا .. عشان ظروف الحمل والولادة.. احتمال يكون موعد الولاده على الاختبارات بالضبط..
بس..
اخاف انه تتعفد معايا لما ارجع بعدين .. ماني عارفه كيف طريقتهم ونظامهم لما ابغى ارجع اكمل..


وعندي فكرة تانيه بس بعيده مو مناسبتني مرة .. انه اداوم الترم هذا عادي ..واذا جات ولادتي على الاختبارات , وماحضرت الاختبارات اقدم عذر واعيد الاختبار .. عشان لايضيع علي الوقت ويروح الترم هذا كدا..؟؟
بس انا افكر انى اعتذر عن الترم كله ايش رايكم وبايش تنصحوني..؟؟وهل فيها تعقيد لما ارجع؟؟

وآسفه على الاطاله ..
وبالتوفيق للجميع..

[خالد الفقيه]

اختي صمتي

ما اعتقد انو فيه تعقيد لو اعتذرتي ترم ,, وانا اشوف انو تعتذري احسن عشان راحة البال ,, وما يكون شي شاغلك ,, وبالنسبة للاكمال عادي جدا ,, ترجعي مباشرة مع السنة الجديدة الجاية ان شاء الله ,,حتى لودفعتي الرسوم ,, تترحل مع الترم الجاي ,,

الله يوفقك ان شاء الله ,, ويرزقك بالذرية الصالحة الطيبة ,,

[حمامه بيضاء]

الله يعينك انا مثلك بس وحم هالشهور وتعب وابغى اعتذر لكن الترم الجاي بعد رح يكون ولاده وماعرف وش اسوي ادرس هذا واعتذر عن الثاني والا ايش اضافه الى ان ودي اغير القسم وتعبانه نفسيا

[صمتي..صدى جروحي]

شكرا لك اخوي خالد.. ومشكووووووور على مرورك..
بس كيف يعني السنه الجايه لما ارجع ارجع اكمل عادي كاني مستمرة عادى اسدد الرسوم على طول وكدا....
ولا فيه اجراءات اول اعملها..؟؟

شكرا لك اخوي ومعليش بتعبك معي..

[أبوجنى]

أختي صمتي في البداية مبروك مقدما على المولود جعله الله من مواليد الخير والبركة بارا بوالديه إن شاء الله .
نصيحتي لك إنك تعتذرين هذا الترم ولاتنسين إن للمولود الجديد فرحة غير في إنتظاره وفي تجهيزه وفي قدومه لاتخربين عليك ولا على زوجك هذي الفرحة . والدراسة تتعوض إن شاء الله الترم الجاي .
وبعدين فيه حاجة مهمة إنه الجنين يتأثر مباشرة بحالة الأم النفسية وإنتي عارفة الدراسة وتأثيرها النفسي فمولودك وصحته أهم لك .والله يقومك بالسلامة ولاتنسين تفرحينا .

[صمتي..صدى جروحي]

اختي الغاليه حمامه بيضاء..
الله يعينك ويقومك بالسلامه يارب..ويرزقك الذريه الصالحه..
انا كدا الترم الاول مثلك بالضبط ..تعب وقرف..بس الترم التاني ولادة عشان كدا ما سحبت الاول بسحب التاني..
اتحملي الله يعينك ويسهلك يارب هذا الترم ..والترم الجاي اسحبي عشان ولادتك..انا انصحك بكذا ..وانتي شوفي اللي يناسبك..
وبالتوفيق يارب ..

[صمتي..صدى جروحي]

المشاركة الأصلية كتبت بواسطة أبوجنى أختي صمتي في البداية مبروك مقدما على المولود جعله الله من مواليد الخير والبركة بارا بوالديه إن شاء الله . نصيحتي لك إنك تعتذرين هذا الترم ولاتنسين إن للمولود الجديد فرحة غير في إنتظاره وفي تجهيزه وفي قدومه لاتخربين عليك ولا على زوجك هذي الفرحة . والدراسة تتعوض إن شاء الله الترم الجاي . وبعدين فيه حاجة مهمة إنه الجنين يتأثر مباشرة بحالة الأم النفسية وإنتي عارفة الدراسة وتأثيرها النفسي فمولودك وصحته أهم لك .والله يقومك بالسلامة ولاتنسين تفرحينا .

آآآآآآمـــــــــــيـــــن..والله يبارك فيك ويبارك لك بعمرك ياااارب..
مشكور اخوي أبو جنى..ويسلمو على اهتمامك..
كلامك كله صح 100%
وإن شاء الله بفرحكم..بس لاتنسونا من دعواتكم..
الله يوفق الجميـــع ياااااارب..