الــ writing وسرهـا المحــير

[الرائدة]

^
بارقرافين ؟؟؟ اممم احنا خلونانكتب اسسي من اربعه برقرافز ..
-

عموما حبايبي .. ابغى اتكلم شويه معاكم عن ماده الرايتنق واسال الله يطرح فكلامي البركه
الماده هذي ماده عمليه وتعتمد بالدرجه الاولى على لغتك ومهارتك في الكتابه ..
يعني لاتجي عمرك ماكتبتي اسسي فحياتك وتبغي تعدي هذي المادهبـ 80او حتى 85 زي حالتي هع
بقوللكم حاجه انا دخلت القسم عن رغبه حاده .. وكنت عشقانته والحمدلله اتيسرت لي
انصدمت زيكم بس مافي شي كان يوازي صدمتي بماده الرايتنق .. لانو فحياتي مااذكر اني كتبت اسسي كامل هع او حتى بارقراف محترم !!!
سعيت الحمدلله بكل جهدي وياربي لك الحمد والشكر عديت الماده بـ 77 مع استاذه ماازكيها على الله لكنها من اروع الاستاذات وهيا مس شادن الحزيم ..كانت حتى القرامرز لما اجيب لها الاسسي الهومورك تشرحه ليا ومعايا اول باول
فيه مواقع كثير كنت ادخلها واكتب الاسسي حقي فيها وتعمل لي تصحيح عليه وتطلع لي كل الاخظاء الموجوده فيه من الالف الى الياء .. سواء املائيه .. نحوية او حتى فريزز او بريبوزشن وعبارات في غير محلها .. روعه مره روعه
كمان كنت اتعلم من الكتب الالكترونيه تبعت الاسيسز ويإمكانكم تسوو بحث عنها مثلا زي كتاب قرامرز فروم ذا كوونتكست .. وكان الدكشنري شغال معايا على طول ودائما مفتوح .. استخدم لونق مان .. الكتروني وكتاب ولا اروع

من ضمن المواقع اللي كنت ادخلها

استخدمته اكثر شيء روعه ولازم يكون فمفضلتك (مرادفات ومتضادات الكلمات)
http://thesaurus.reference.com/

يصحح لك البرقرافات والاسيسز من اي اخطاء نحوية او املائيه او حتى حرروف الجر متكامل لكتابه اكاديميه
بس حطوا فبالكم رح يخططها لكم لكن ماحيصححها .. يعني انتي حتبحثي عن الخطاء الموجود وتصححيه بطريقتك
http://spellcheckplus.com/

وهذا كمان روعه
http://www.spellcheck.net/

وكمان كنت قبل كل اختبار احفظ لي قائمة كلمات .. اسوي لسته طويله واحفظها واتعلم على كتابتها واستخداماتها عشان تثري الاسسيتبعي .. يعني صفات وافعال وفريزز وكونكتينق ووردز ومن كذا ...

الماده جدا رائعه وسلسه لو اشتغلتي اول باول متوكله على الله سبحانه
صحيح شويه الدرجات فيها صعبه الحصول عليها لكن بالمثابره رح نوصل

وكمان القراءه القراءه القراءه .. يعني بالقليل لازم قبل كل اختبار تقري اربعه خمسه اسسيز فمواضيع قريبه من موضوع الشابتر تبع الاختبار .. من غير اللي بتقريها فالكتاب او للي بتقريها فالنت ... عشان تعودي نفسك على الطريقه والفكره ..

امانه لااحد يتحطم من هذه الماده .. لانها جدا رائعه ورح تجني تعبك بإذن الله

لا احديقول ظلموني فالتصحيح او على ايش طارت درجاتي ..
يعني اسسي عليه اربعين درجه .. بتكون موزعه على ايش ؟؟
على كل حاجه طبعا .. حتى النقطه والفاصله

ياااااااااااااااااارب يوفقكم كلكم وسامحوني على الاطاله .. اي مساعده انا بالخدمه