طالبة جديدة ومحتاجة مساعدتكم...

[sodelicious]

مسا الخير
انا طالبة جديدة وهالترم اول ترم ليا
بصراحة ماني عارفة شي في الجدول
انا خطة ب وصحباتي قالولي انه في رياضيات بس انا مانزل لي في الجدول
وبالنسبة للإنجليزي هوا 3 ساعات في اليوم ولا كيف؟؟
واذا كان 3 ساعات ياريت احد يشرح لي من الجدول حقي
وايش هالفراغات اللي موجودة فيه
وهذي صوره منه

وياريت اعرف ايش الكتب المقررة
ياريت تساعدوني وتشرحولي كل شي لأني احس اني ضايعة
ولكم الف شكر

[Mr-Ammar]

بصراحه غريبه ما عندك رياضيات .؟؟
والله مدري في ناس ما نزلتلهم فيزيا وفي ناس ما نزلهم ريياضيات محد داري ايش الهرجه


وانتي خطة أ مو ب

ودوامك كالاتي:

السبت والاتنين والربوع تبدأي من 8 لين 9 عندك فيزياء..
ومن 9 لين 11 فراغ
من 11 لين 12 انجليزي
وبعدين بريك لين 1
من 1 لين 3 انجليزي

--------------------
الاحد والتلوت تبدأي من 8
من 8 لين 11 انجليزي

من 11 لين 12 ونص عندك حاسب
ومن 12 ونص لين 1 فراغ

من 1 لين 2 ونص حاسب

------------------------------


بالنسبة للكتب انا ما اشتريت حق الفيزيا والرياضيات

ومهارات الاتصال كان عندي من اول

الحاسب بس.... وما ادري يقولو الحاسب بيغيروه لانو بيفصلو الاداري عن العلمي ... الله اعلم..

----------------------------------------

[دنـــا]

الله يوفقك^^

[M!ss 5o05a]

هلا والله بالطالبه الجديده ..

زي صحبتي الروح بالروح لسا الترم الجي اول ترم لها :)

عشان كدا متحمسه اشوفها بس خساره طلعت خطه أ زيي كان نفسي تكون ب

تبدأ بالمواد السهله

بالنسبه لاستفاراتك ..!!

لسا اكيد بينزلك الماث يعني لاتخافي ان شاالله يكتمل الجدول في كتير كدا ما اكتمل لهم

والانجليش زي ماقولتي 3 ساعات باليوم الله يعين منو

اي فراغات قصدك اللي تحت الانجليش هادا تابع للأنجليش

وبالنسبه للكتب كل دكتوره راح تقولك ايش اسم الكتاب تبعها ..


هادا اللي عندي

:)

[Y.S]

هلا والله بالطالبة الجديدة ..

حتى انا طالب جديد في هذا الترم..

والاخوان والاخوات ما قصروا وجاوبوك ...

بس حبيت اقولك اني طالب جديد زيك ..<< وفي طلاب وطالبات كثيرين زينا

[رهف الاحساس]

هلا بك
ماشاءالله الجمييع ماقصر معاكي
كلها مسائلة وقت وينزلك الرياضيات لا تشيلي هم
وأي سؤال تاني نحن عندك خذي راحتك

[sodelicious]

Mr-Ammar
الف شكر ليك عالشرح كنت احسب انه الانجلش بس من 11 لين 12
بس مكتوب انه انا ب والله اعلم


دنا
آمين يارب ويوفقك انت كمان


Roo7ee
تسلميلي عالإفادة
تيب لو صحبتك طلعت أ زيك ليش تبغيها تكون ب؟؟
عموما الله يوفقك ويوفقنا يارب

[sodelicious]

y.s
رهف الاحساس

شكرا لكم
والله ماقصروا معايا
الله يعين

[بريد الاحساس]

انتي خطة ب الترم الثاني يعني راح تدرسي مواد خطة (أ)
وبالنسبه للرياضيات لا تخافي حتى انا زيك ما نزلي في الجدول
يوم السبت أشوفك عند شؤوون الطالبات ...
وما شاء الله الأخ عمار وضح لك .. الجدول ..

اتمنى لك كل التوفيق

[Y.S]

حتى انا عندي ب .

ونزلي جدول خطة أ

زيك ..

الله يوفقنا يا رب .