من فين اسجل في بديل توفل

[Admin2010]

بس للي فهمته من بعض المواضيع اني اسجل بديل التوفل من هنا
http://87.101.230.11/default.aspx


بس للي فهمته من كلام الاخت lotysweet
ان الاختبار بديل التوفل يتم اعلان عنه في موقع الجامعه
يعني انا استنى الاعلان للي ب الموقع ؟
ولازم بنك سانبا؟
اختي lotysweet
والله كلامك مو فاهمته لانه مختصر
ولانك فاهمه الشي كذا قلتيه ب اختصار انا جديده بموضوع هذا ؟ياليت تفصلين الخطوات؟ قلولي لي خطوه ب خطوه ؟
طيب واذا ما جبت درجه اقدر اعيده ؟ كم مره اقدر اعيده ؟

[lotysweet]

شوفي اختي انا اشرح لك بالتفصيل واسفة لك بس توقعتك متعودة على موقع الجامعة وسهل تدوري عن الجدول
اول شئ فية جدول ينزل على موقع الجامعة يتم فية وضع مواعيد اختبارات التوفل لهذا العام 1431 هـ شوفية هنا

http://graduatestudies.kau.edu.sa/co...ng=AR&cid=1657

لو تلاحظين انه الرابط ماوقع فية جدول لأنه لسا ماتحددت مواعيد الاختيبارات هالسنه بس احفظي الرابط عندك متى مانزل تشوفين المواعيد وتختارين الموعد المناسب لك
طبعا ينزل كذا موعد للاختبارات وانتي تختارين منهم ولو مانجحتي في اي اختبار تقدرين تعيدينه بالاختبار اللي بعدة محد يمنعك طالما بتدفعين لحساب خدمة المجتمع مبلغ 200 ريال
لما ينزلو الجدول على الموقع راح تطلع لك استمارة تعبينها وهذي سهلة جدا بس بمجرد ماتضغطين على الايقونة تجيك الاستمارة وتسجلين منها وتطبعين هالاستمارة وتروحين بنك سامبا اللي بالجامعة تدفعين لهم مبلغ 200 ريال ويعطوك ايصال تروحي تسلمية لمبنى خدمة المجتمع بالشطر الطالبات هو مبنى رقم 3 بالدور الثاني مكان ما نروح نقدم للماجستير هو نفسة والموظفة تستلمة منك واذكر والله اعلم انهم لما تعبي الاستمارة يطلبو منك صورة شخصية فأعملي من الحين صور شخصية كذا نسخة عشان بكل اختبار يطلبون منك وحدة لو لاسمح الله مانجحتي من اول مرة .
اذا رحتي سلمتي الاصال للموظفة تقولك وين الاختبار راح يجرى والساعة كم ولو غيرو المواعيد لاتخافين يرسلولك مسج على جوالك ويبلغوك بالتغيير
ومثل ماقلت لك لو ماجبتي الدرجة المطلوبة تقدري تعيدية مرة واثنين وثلاثة لين ماتفقع مرارتك مثلي هههههه
اما الرابط اللي انتي حاطته هذا رابط قياس
مدري والله ؟؟ من متى احنا نسجل بديل التوفل هناك
الكل لو تسالية يقولك تسجيل بديل التوفل من موقع الجامعة ومافية مكان غيرة والله اعلم
اعتقد برنامج قياس هذا تبع اختبار القدرات للناجحات من الثانوي وجايين يقدمو على البكالوريوس والا انا غلطانه