الــصـــدمـــــة الــســوداء ... في درجة الأحـــــيــــاء

[raddow]

جزاكم الله خير يا سادة
حمستوني بعد ما كنت محبط
الله يبارك فيكم
جميل إننا نستفيد من أخطاءنا و ننصح بعضنا
وبرضو انا نسيت أقول حاجة مهمة جدا وكانت سبب رئيسي في تخبطي
اللي هيا شغلة الذنوب والمعاصي
من جد ..
أنا عن نفسي ومو كشف ستر
لكن عشان تعرفو
أنا الصراحة السنة دي زودت أمها في دي الشغلة
لأني شعرت بإشوية حرية
فأستغفر الله أتساهلت حتى في دي الشغلة
ولحد يقول إنو الذنوب مالها صلاح
لا لها صلاح وبقوة وبقوة وبقوة
يقلك بعض السلف ادا تعثرت بغلتو ( حمارو ) فعلى طول يرجع لنفسو ويقول إنو دا بسبب الذنوب
بس ادا طاح حمارو واللا ادا كان بيطيح معناتو انو في ذنب !!
هيا كيف في الإختبار ؟؟!!
فأنا ما ادري ليش نسيت أكتب الهرجة دي في البداية
الله يسامحني ويسامح الجميع
ويوفقكم في الدنيا وفي الآخرة
وكل واحد يحتسب الأجر ادا كان سبب في نجاح شخص آخر
الله يديكم العافية ..