وأخيرا شرفت حلقة التقوى بالسلامة ( تجمع فتيات حلقة التقوى)

[حأقعد عالكاشير]

عدت والعود أحمد :)

اول شي حأكتب درجات البنات اللي سمعوا عندي

HANOoOF:
طالبتي المجدة ماشاء الله تبارك الله (10 من10) استمري على ذا المستوى والله يرعاكي

روح حواء : اخذتي ياعسل (9 وثلاث ارباع من 10) ماشاء الله في تحسن كبير في الحفظ
شدي حيلك وعقبال العشرة كاملة :)

Account Lady: نجي للعسل حقي اخذت برضو( 9 وثلاث ارباع من 10)
حركة وحدة نزلتك ربع شدي حيلك وجيبي العشرة كاملة المرة الجاية:)

مني يغار الورد: تخلفت عن يومي التسميع وشفت رسالنك ياعسل بس ماشفتك كتبتي شي في المنتدى فعلى كذا للاسف(صفر من عشرة)

الكبير كبير: اعتذرت عن موعد التسميع ولم تسمع في موعد بديل فللاسف برضو(صفر من 10)

كوكتيل أنوثة : لم أجد منها اي دلالة على الحفظ ولم تسمع أو تكتب في الموضوع عن أي حفظ وتسميع شخصي فللاسف لمرتين متتاليتين(صفر من10)

نجي للأمامير الباقيين:

سمو الروح ونونو كاتي: ماحددتولي اش نوع اغلاطكم حأعتبرها في الكلمات
فعلى كذا انتو الاثنين أخذتوا(8 من 10) شدوا حيلكم وأبغى علامات كاملة المرة الجاية:)


والمؤدبتين وماأدراك مالمؤدبتين
خوخة مرررررره ياشيخة وضحتيلي الاغلاط بالضبط بالضبط فين مررررة شوكرا
المهم على حسب فهمي المتواضع حتكون درجة
خوخة:اممممممممممممم من غير (4 من10) شكلنا حسدناكي مرة ثانية ياويلك ماتجيبي 10 من 10 سااااامعه <<انا حزينة:(
وبنت الناس: 8 من 10 برضو ابغا العشرة كاملة المرة الجاية



خلصنا الدرجات ..
انتوا شايفين في اللي ماسمع وفي اللي درجاتو نزلت وفي اللي اترفع وفي اللي ثابت على وضعو

حبايبي انا ابغى اقولكم حاجة مو الهدف من الحلقة اني احفظ وبس احنا نبغى حفظ ماكن ثاااابت
وقت مايقلك احد سمعي من اية كذا تسمعي من غير اغلاط وانتي واثقة من حفظك

على شان كذا أنا حأحط على التنبيهات درجات
اش يعني تنبيه(يعني لمن تقوليلها انتبهي الكلمة غلط وترجع تعدلها من نفسها من غير ماترديها)
فكل اثنين يسمعوا لبعض يكتبوا كم غلطة في الكلمات وكم في الحروف وكم في الحركات وكم تنبيه




ومرررة آسفة عالتأخير بس كنت ابغى اعطي فرصة للبنات اللي ماسمعوا انهم يتحركوا شويتين
بس العين بصيرة واليد قصيرة :(

اااخر شي بناتي الله يسعدكم فرحوني بحفظ ودرجات احسن من كذا هذا الاسبوع طيب

أتوقع منكم الافضل دااائما وانا واثقة من هذا الشي :)

ودعواتكم