اخلاء الجامعه يوم الثلاقاء بعد الظهر الله يستر

[تونا]

أسخف موقف شفته ورفع لي ضغطي بجد لما شفت وحدة من الشئون رايحة على البوابة وارسلت وحده من العاملات تروح تجيبلها عفشها وشنطتها وكدا !!! خيررررر سلااااماااااااااات ؟؟ اوكي العاملات مو سعوديات بس بشررر روح وكائن بشري من حقه يعيش برضو .. عندك شي روحي جيبيه بنفسك !!!!

وكلوو كوووووم ولما البنات اللي مفجوعين واللي يبكو في الشارع يجيهم شاب يعاكس !!!!!! لا حول ولا قوه الا بالله نفسي افهم من ايه فصيلة دولا ؟؟!!!!!!!

وبعدين ايش خطة الاخلاء ابو كلب هده -مع احترامي الشديد بس خلاص اخلاقي في خشمي- اصلا عارفين خطة الاخلاء في جامعتنا المصونة كيف ؟ هي انو يخرجو كل البنات او بالاصح يطردوهم وبعدين يقفلو المباني وهما يخرجو وكدا تنتهي وظيفتهم .. واحنا نروح نموت في الشارع !! هي دي الخطة ؟؟ اهم شي موتو برا اسوار الجامعة !!!

اولا الاعلان عن الاخلاء مرررره غلط والله لولا انو ربنا ستر علينا كان البنات ماتو من كثر الدف والزحمة والناس فوق بعضها والسيارات مسرعة وما في احد بيوقف لاحد ... بالله وقتها ايش كنا بنستفيد ؟؟

نفسي مره في حياتي اشوف قرار في جامعتنا احس انهم درسوه خمسة دقايق بس ..
دحين متأكدة بكره يجو يقولولنا : حملة جامعتي مسئوليتي تعالو نظفو الجامعة !!! اوكي ان شاالله لما اغير بطاقتي من (طالبة جامعية) الى (عاملة نظافة) ديك الساعة يصير خير ..

والحمدلله على سلامة الجميع وان شاالله ما في اضرار ..
اللهم احفظ جدة واهلها يارب العالمين ..