عندك سؤال لدوري التاني خطه ب>> تعال هنا<<

[miss.NeNo]

^^^^^^^^^^^^^^^

درس لويس من حضك انو اليوم اخدناااه وفهمتو الحمدلله

وانا حاشرحلك هوا وان شاءالله شرحي يفهمك *_^

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

اول حاجة لوجانا مركب وتبغى تسوي تركيب لويس lewis structure

لها خطوات

يعني متلا عندنا المركب NF3

اول شي حترسم الشكل الهيكلي له :

رح تشوف اش الذرة الاقل سالبية كهربية وتحطها في منتصف الشكل <<< كيف تعرف الاقل سالبية ؟؟ .. من

الجدول الدوري ادا انتقلنا من

اليسار لليمين رح تقل السالبيه الكهربية وادا طلعنا من اسفل لاعلى رح تقل السالبية الكهربيه

في المركب الي عندنا رح تلاحظ انو ذرة النيتروجين في المجموعة الخامسة والفلور في المجموعة السابعة

يعني رح يكون انتقالنا في الجدول الدوري من اليسار لليمين يعني رح تكون الذرة الاقل سالبية هي النيتروجين N

فبكدا حنحط لنيتروجين في المنتصف وحوله ذرات الفلور

تاني خطوة رح تحدد الـ valence electron ( الكترونات التكافؤ ) لكل ذرة <<<< كيف رح تحددها ؟؟...

يعني متلا النيتروجين في المجموعة الخامسة يعني الـ vaence electron = 5

والفلور في المجموعة السابعة يعني الـ valence electron = 7

بعدينت رح تحدد الـ valence electron للمركب كلوو

في المركب الي عندنا الي هوا NF3 حيكون تحديدها كالآتي :

5+3*7 = 26 الكترون

بعد كدا حنوزع الالكترونات على المركب رح تكون بالشكل دا




وهادا حيكون هيكل لويس او LEWIS STRUCTURE

وادا تبغى تتاكد احسب عدد الالكترونات الي في الشكل ادا طلعت نفس الالكترونات الي حسبتها رح يكون صح

يعني لو جا سؤال في الاختبار وجبلك اشكاال وقلك اي واحد يمثل تركيب لويس

رح تحسب عدد الالكترنات وتحدد

وان شااااء الله تكون فهمت مني *_^

لاني بصراحة اول مرا اشرح لاحد :)