عاجل الطلب من رئيس قسم اللغات الاوربية الانضمام للمنتدى

[حنين الود]

أنا أسفه قبل كذا والله غلطت على المسؤلين عامة عن قسمنا وانتقدت بعض الأستاذات بطريقه جارحه ومن ضمنهم الدكتور محمد بس والله انا ندمانه على الي قولته .. وأحب اعتذر منه ..
بس ياليت يعبروا القسم لو بشويه اهتمام ..مانبغى حاجه غير كدا يعني باللهي يادكتور جامعه زي كدا تقعد تنتظر الأساتذه عشان يقرروا ايش المواد الي حيعطوها ويقرروا بياخدوا طلاب انتساب أو لأ ؟؟ ليش مو من البدايه تتحدد الخطه وتتوضح عشان الطلاب والطالبات مايدخلوا الدوره التأهيليه شغل كروته احضر وانسخ ..وشطر الطالبات حدث ولا حرج .. يادكتور خالي مدرس من 9 سنوات متخرج من الجامعة ويتكلم عن الجامعه وأساتذتها كأنو عضو من المنتدى هذا تصدق نفس المشكلات ؟؟ نفس الأساتذه الي عليهم ملاحظات.. نفس تعاملهم نفس الإهمال الي بيشعروا فيه الطلاب دحين ..كأنوا دحين بيدرس.. تتغير اداره تتغير الخطه يتغير كل حاجه كل شي هوا نفسو؟؟
وبالنسبه لقسمنا .. بليز يادكتور ايش القحط الي في القسم مافي شعب يادكتووووور مافي استاذات ..
حتى ولو كان غياب بعضهم مؤقت.. ليلى هاشم ..أمل شعيب .. هيفاء الروقي..صفاء المنصوري.. مائسه الصبحي.. ايش دا يادكتور على الأقل جيبولنا من استاذات الانتساب ثنتين ياخدوا مكان غيرهم .. نبغى يتفعل النظام الالكتروني في الجامعه ونصير نحذف ونضيف المواد من دون مرمطه ترتاحوا ونرتاح احنا كمان ..السيمستر دا مو طبيعيه اللخبطه يعني على الاقل خطه بديله استاذتين او تلاته نشحتهم من أي مكان يمسكولنا كم شعبه ونرتب حالنا .. حنعمر في الجامعه .. يطردونا من الشعب على الفاضي والأفضليه للخريجات ؟؟ على أساس قاعده اقدم وظيفه مثلا؟؟ يرضيك يادكتور الكلام الي بيحصل ؟؟ والله الواحد مو عارف ايش يعمل وايش يقول ويتكلم مع مين .. ننجبر انو نغلط لانو حاسين محد بيسمعنا .. وأنا اعتذر يادكتور مرة تانيه على الكلام الي غلطت فيه في المنتدى بحقك او بحق أي استاذه او دكتوره ..
خلونا نشارك معاكم في التحسينات خدوا رأينا خلونا نسوي حملات تنظيم للقسم أراء ..أو أفكار نبغى نغير أي حاجه في القسم عشان نحس انو من جد فيه فرق بين الناس الي بيدرسوا عام 2009م وبين الناس الي درسوا عام 1999 م بدل الحفلات الي مابتودي ولابتجيب يادكتور جربونا ووكلولنا حاجه وشوفوا احنا قدها ولا لأ..