للى يحبون المقالب >>>>>>>

[مني يغار الورد]

المشاركة الأصلية كتبت بواسطة مافهمت الناس ههههههههههههه حلوه المقلب الوحيد اللي سارلي في حياتي ومستحيل انساه هو انا مره كنت جالسة مع خالتي في بيت جدتي لانو جدتي ما كانت فيه والبيت مرررره كبير وخالتي من النوع الخوافه مررره طبعا اي شي يسير في العايلة ما في الا انا اللي اوقف مع الاخرين وياليت احد يقدر المهم وما كان في البيت الا انا وهي وكان الوقت على اخر الليل ووقتهاخالي راح يودي اتوقع بابتي المطار وكل وحدة فينا خايفة وماتبغى تبين للثانية وشوية الا نسمع شي ينرمي على الباب اللي يفتح على الحوش فقالنا اكيد مو خالي لانو دوبه خرج. ياالله وبعدها الرمية الثانية واحنا نقول لاجالسين نتوهم و قمت انا رحت اطالع من تحت الباب واشوف واحد لابس ثوب لونه اوف وايت تقريبا ومن الدلاخة قلت لا خالي لابس ثوب ابيض وجا على بالي انو لابس نظارة شمسية وشوية احس يدف الباب بيده وبقوه و الباب ماكان مره قوي على طول رحنا غرفت النوم وقفلنا علينا بالمفتاح وقف شويه والا راح من عند الشباك الحرمة انهارت شويه ويغمى عليها وانا وجهي مصفر واهدي فيها واحاول ادق من الجوال وكان وقتها مافي ارسال ولا اللي خوفنا اكثر انو الباب والشباك سارو يدقوا مع بعض يعني في احد تاني ويوم خلاص انتهينا اسمع صوت يقول انا خالك افتحي الباب ومن الذكاء حقي قلت متاكد انك خالي ههههههههه ويوم فتحت اعطيته كلمتين محترمة قوية بس محترمة وهو راح عند زوجته واللي كان معاه طلع اخويه شكلهم وصلوا بابتي لراس الطريق وهو كمل وحلفت لاردها لخالي الين دحين بس باقي مالقيت شي ان شاء الله استفيد من مقالبكم انا عارفة اني طولت عليكم تحيتي لكم ^_^

ههههههههههههههههههههههههههههههههه
الله يقطع ابليسك هذي خالتك جيبيها عندي نفس الحالة ننفع لبعض خخخخخخخخخخخخخخخ
يلاا تعيشون وتاكلون غيرها خخخخ