اللي فاهم في البعثات يجي .. عندي شوية أسئله بسييييطه

[Class g!rl]

المشاركة الأصلية كتبت بواسطة wan السلام عليكم كيف حالكم :$ ترا يوه أول مره أخش القسم دا يعني شويا شويا عليا .. المهم أنا دحين أدرس إعلام مستوى 3 لسه .. و إن شاءلله في حال خلصت و اتخرجت ناويه أكمل ماستر برا .. بس التخصص ما قررت بس أتوقع شي يخص الأعلام و الدعايه والإعلان .. دحين اقرب تخصص لك ممكن يكون تسويق , لأن التخصصات النظرية منزلين لها اشياء محدودة جداً مو زي العلمية انا أسمع عن حاجه إسمها الخطه الخامسه أو شي زي كدا و إنها أنتهت و قفلو البعثات و سارت للتخصصات الطبيه و مدري ايش .ايش الكلام دا :s ايوا المرحلة الخامسة وقف التسجيل لها لدي السنة بس طلع خبر ان البرنامج راح يستمر إلى5 مراحل قادمة بإذن الله يعني 5 سنين جايه, و يقتصر لمرحلة البكالوريوس على التخصصات الطبية اما الماستر عادي في تخصصات مختلفه بس مو اي تبيه , يعني في قانون و تسويق و تجارة الكترونية و محاسبة و تأمين و تمويل و الباقي تخصصات داخل الهندسة و العلوم و الطب و الحاسب أسئلتي :: 1- هل بعد سنتين ممكن يفتحوا أبواب البعثات للماستر ؟ 2 - كم مدة الدراسه :$ ؟ > أحسو سؤال بايخ بس مشوولي الماستر مسموح لك 3 سنوات ما تتجاوزيها دا من شروط الابتعاث من هنا مو من الدول الي حتروحيلها يعني ,بحيث تكون مقسمة على سنة لغه و سنتين ماستر , حتى لو سجلتي في برنامج اكتر من سنتين انتي ملزمة بسنتين فقط ولا مضطرة تكملي على حسابك وتوقف عنك البعثه لو زاد عليكي الوقت , عشان في ناس مثلا ما يقدرو يخلصو اللغه في سنة وحدة و يقومو ياخدو من سنوات الماستر فهمتيني 3 - صحيح إن شروط الماستر أسهل من شروط البكالوريس ؟ و ايش هيا الشروط يعني المعدل و كدا ؟ و هل في صعوبه و أحتاج واسطه و من دا الكلام ولا عشانها ماستر رح تمشي بسهوله ؟ مافي شي اسمو شروط اسهل , كل واحد فيهم ليه شروط مختلفة عن التاني , دحين الماستر كان السنة دي الشروط يكون معدلك فوق 3.75 و عمرك مو أعلى من 27 سنة و زمان كان اقل المعدل المطلوب يعني مع مرور الوقت ممكن تزيد الشروط , اما البكالوريوس للتخصصات الطبية فقط و يكون المعدل فوق 90 و ارقام معينة في التحصيلي و القدرات ماافتكرها والعمر ما يتجاوز 22 اعتقد ياريت تفيدوني لأني أحس هرجة البعثات و شروطها و إغلاقها و فتحها ماهي راضيه تنفهم عندي ان شاءالله اكون قدرت اوصللك المعلومات الي تبغيها و شكراً

و على فكرة الدول تتغير كل فترة , دي السنة وقفو الابتعاث لبريطانيا و استراليا عشان تكدس السعوديين فيها يعني لا تتعلقي بدولة معينة , و كمان دي السنة اغلب الدول لغتها مو انجليزية يعني حتضطري تدرسي لغات تانية زي كوريا و الصين و ألمانيا و المجر و هولندا وغيرها