اختبار الانجليزي القاااااااادم والظلم والدرجات

[Cute Apricot]

عزيزتي كيف مالهم ذنب ؟
اولا مو بس حكاية الاختبار ( مع ان مردود عليهم فيها ,, لان ما لهم عذر , اختبار مادتهم كان اخر يوم ,,, يعني اظن يكون مداهم يعدلوا شي او على الاقل يسعوا في تطبيق الحل الجهنمي اللي ما طرالهم الا الساعة 8 ونص! يا فرحتهم )
بس من اول الترم وهم لاعبين فينا كورة مضبوط من جميع النواحي ,,,
يكفي انو الاولاد دخلوا الاختبار وهم ماهم عارفين بالضبط رح يختبرو في ايش. وهل هيكون فيه تعبير او لا ؟
ده مو قياس مهارات وسكللز على قولتهم ,, ده تعجيز ,,
تخيلي لو جونا في يوم وقالوا يلا تعبير ؟ من الربكة والدهشة ماكنت هعرف اجمع كلمتين على بعض ,,
في شي اسمو استعداد نفسي ,, يدخل البني ادم وهو عارف داخل على ايه ... ده حتى في اصول الحرببببببب وهيا حرب انك تحارب شخص مستعد لك مو تهاجم المدنين العزل <<<<<< اثر الاخبارية معليش
بس من جد سلاح الطالب مذاكرتو ,, اعطونا منهج ان شاء الله من المستوى المليون ,, ودرسونا هو واختبرونا فيه وشوفوا مين اللي يكون قدها ومين اللي هيفشل ,, هنا المقياس الحقيقي ,, مو كده
انا رحت مواصلة طول الليل انطنط بين كتب الانجلش حقت الثانوي الين انحولت .. مااني عارفة من فين هيجيني العدو << حاسة انها معركة هههههههه
وبس ,, اتمنى من الله يعدل الحال :(