مارأيكم باختبار الرياضيات اليوم ؟؟؟؟

[bashboshah]

السلام عليكم...

اللي اختبرو اليوم الرياضيات ايش رايكم ...

اللاختبار انا اشوفو عموما كان سهل بس يبالو تركيز خاصه الاشارات تضيع موجب وسالب ..


بس اول فقره ما اخدناها اللي فيها القيمه المطلقه للباي +5 الاغلب ماعرفوها وفي فقره اللي هيا كسرين بينهم < او > مني فاكره دا مره لخبطني والباقي الله يستر لا اكون ملخطبه وانا ما ادري ...

تانيا الوقت مرررررره قصير مايساعد انو تحلي براحتك ...


مين يعرف متى حتطلع النتايج وفين ؟؟؟

[بنت ناس واللقب الماس]

والله الاختبار مابو شي اتوقعتو اصعب من كذا
والفقرات الي قلتيها كمان اانا وقفت فيها ..
وانا كمان ابغى اعرف متى تطلع النتايج وفين ؟؟
والله ييسرلنا باقي الاختبارات وتجينا اسئلة سهلة في الفيزياء

[ḄęŞĥỜờỞ]

آلإختبـآإرٍ كـآإنـَ سهلَ نوٍعـآإ مـآآ بسً يبآإلوٍ ترٍكيزٍ ،‘

القيمه المطلقه للباي +5

إيوٍآإ حتى أنآ خرٍجتهآإ من آلقيمـ’هـ المطلقـ’هـ بسً ~ وٍالأغلبَ مـآعرٍف يحلهآإ ,,~

وٍغيرٍ كـــِـِـِـدآإ إحنـآ عآإرٍفينَ إنوآ الوٍقت ينتهيّ 10 وٍنص ,,~ ليشَ خلوٍنآإ لحد 10 وٍرٍبع !!!

مين يعرف متى حتطلع النتايج وفين ؟؟؟

ع حسًبَ مـآ سئلتَ وٍسمعتَ إنوآإ تنزٍل بعد يوٍميــنَ ع نفسً موٍقعك " الأوٍديسً " وٍالله آإعلـــِـِـِـمـَ

\\

إنـ شششـآء الله رٍبـــــيّ يوٍفقنآإ بالإختبآإرآإتَ آلبــآآقيـ’هـ ,,~ :)

[bashboshah]

بنت ناس .... هههه يعني مو بس انا اللي تنحت انا اشوف الاسئله قريبه مره من الاختبارت التجريبه في النت واسهل من مسائل اللي في الكلاس d:

بيشو .. ان شاء الله بعد يومين وتفتح نفسنا ..

وافتكرت في سؤال تاني ماحلينا زيو ... اللي الدومين حقو يطلع 3 فرات ...

[ع ي ص]

الاخت اللي تقول سوال القيمه الطلقة للباي + خمسة

ايش الجواب

[مراد الجنيد]

المشاركة الأصلية كتبت بواسطة ع ي ص الاخت اللي تقول سوال القيمه الطلقة للباي + خمسة ايش الجواب

الجواب باي +5

انا عني سؤال جاتكم اسئلة فيها رسم؟

[® βutteяfly aηgel«~.]

.
.

حتى انا وقفت فدي الفقره اصلا ماآ شفت زيهآ لمن زآكرت
يعني حطيتهاآ بالبركه
وفي فقره تااانيه مرره حست فيها اللي اعطتنا النقاط وبعدين نقصت من الداله الاصليه
ما عرفت حلهآ والوقت مررررررآآ ما سآعدنآ
الاختبار سهل نوعآ مآ بس أغلب الاسلئله عالدومين ّ
ان شاءالله تكون الاختبآرات الجآيه اسهل ،،
واللَه يوفق الجميعَ ~

.
.

[Dr.Sosa]

ايوا يابنات والله في كم سؤال كنت حبكي لمن شوفتهم


بس الحمدلله قريتهم مرا واتنين وتلاتة لحد مافهمتو


والرينج طلع عيوني بجد مرا تعبني


وصح كلامكم اول سؤال حق الباي احنا الدكتورة ماجابتلنا سيرة عنو


بجد طلعت من الاختبار عيوني مدمعة ابغا ابكي


الله يوفقنا يارب

[::rose::]

بصراحة الاختبار كان مرررره سهل و حلووو<<<قال سهل قال
بس الوقت قصير غير كذا كان الكلاس مرررره بارد وانا كنت مصدعه <<بسرعه تجيب الاعذار
وكنت احل بدون تركيز بس عشان اطلع وروح للشمس والدفئ كان هذا كل تفكير بوقت الاختبار يعني كان عندي تشويش نفسي خخ<<<مهارات الاتصال لاعب فيها لعب خخخخ
بس بالنهائية اسمي حليت ..
بس الله يستر من الفيزياء انا خايفة منه اكتر من اي ماااده ..
ما لاحظتوا ان كلامي كلامات متقاطعه خخخخ

[fat0om]

الاختبار مرررررررره
كلو بفضل الله ثم فضل الاستاذة /ساره الشهري
الله يوفقها في حياتها