تابع شي يارب تستفيدوا منوو في الكيمياء شابتر 2

[ime149]

ربي يسعدك يالغلا

وين ماكنتي وييسر لك

ويفتح عليك..ويجزاك الجنه..

لك ودي ودعوتي

لجين

[Ġlαмσяσυş]

وعليكم السلآم ورحمة الله وبركآته ,,



ما شاء الله عليكِ غلآتو ..
موآضيعك مره مفيدة وحلوة .. الله يحفظك ويوفقك قولي آمين =)
جزآكِ الله خير مآ تقصرين .. في موآزين حسنآتك يا رب ..

[بسمة ألـم]

مشكوووووره

[baka mesho]

يااااااااااااااارب ينجحك a+ كماااان

قولي امييين xd !!!

[HANOoOF]

امييييييييييييييييييييييييييييييييييييين ..يااااااااارب ... وانتوا كمان الله يوفقكم بأعلى الدرجات في الدنيا والاخره (:

[HANOoOF]

مساااااااااااااااء الخيرات.... والايونات والجزيائات (:
كيفكم ؟؟؟ ........ ان شاءالله طيبين ^_^
يلا يا حبيايب قلبي خلونا نكمل ....... بسم الله

ص49/ 1- الجدول اللي فوق...
حق كتلة الاكترون وشحنته ...وكتلة البروتون وشحنته ...
... وكتلة النيوترون ( طبعا النيوترون ماله شحنه .. متعادل ..)

العنوان اللي بالاخضر ...العدد الذري والكتله والنظائر :
2- تعريف العدد الذريatomic number
3-تعريف عدد الكتله mass number
ملاحظه: (التعاريف مكتوبه جمبهم بالخط المايل .." تقريبا نفس القانون " )
4- القانون في الجدول الوردي..
عدد الكتله=عدد البروتونات+عدد النيوترونات
=العدد الذري +عدد النيوترونات
ملاحظه ( العدد الذري نفسه عدد البروتونات نفسه عدد الاكترونات )
... شوفوا اخر شي في الصفحه اللي هي x...
جمبها حرفين اللي فوق A وهو عدد الكتله
.. اللي تحت Z وهو عدد الكتله او عدد البروتونات

عندي مثال بس بصراحه مني عارفه كيف اكتبوا ... راح اشرحو لكم بالكلام على الله تفهموا
معليش ... اتحملوا خخخخ ..في سبيل العلم..

مثلا .. عندنا عنصر الحديد Fe+2
+2.... هذي شحنه تنكتب فوق الرمز مو جمبه ..اوكي
هذا الحديد عدد الكتله له = 54 ( العدد اللي فوق A)
والعدد الذري له = 26 ( العدد اللي تحت Z)
المطلووووب ؟؟
عدد البروتونات ؟ _ وعدد النيوترونات؟ _وعدد الاكترونات ؟
الحلــــــــــــ ..
*عدد البروتونات =26 ( ليش؟؟؟ ... عشان احنا قلنا انو عدد البوتونات هوا نفسه العدد الذري)
*عدد النيوترونات =عدد الكتله - عدد البروتونات
=54-26
=28 نيوترون (جبت هذا القانون من القانون الاساسي اللي في المربع الوردي)
*عدد الاكترونات=26-2
=24 ( ليييش؟؟...عشان عدد الاكترونات نفسه عدد البروتونات .. طيب ليش طرحنا 2 ؟؟ عشان هو فقد الكترونين )

لو اخذنا مثال تاني وهو الفسفور P-2
عدد الكتله=31
العدد الذري=15
المطلوووب ؟؟
* البروتونات=15
*النيوترونات=31-15
=16
*الاكترونات=15+3
=18 (جمعنا 2 لانو اكتسب الكترونين )

5-النظائرIstopes
اشكال مختلفه لذرات نفس العنصر تحتوي على نفس العدد الذري ولها اعداد كتله مختلفه

ص50/ مثال ...عندكم بداية الصفحه نظائر الهيدروجين ....
لو لاحظتوا انو الثلاثه العناصر لهم نفس العدد الذري ولكن عدد الكتله مختلف ( زي ما قلنا تعريف النظائر)

* معلومه .." الهيدروجين العنصر الوحيد الذي لا يحتوي على نيوترونات )

عندكم المثال التاني اليورانيوم....
برضوا له نفس العدد الذري ولكن يختلف في عدد الكتله...
طيب لمن نجي نسميه عندكم الاول من اليسار عدد الكتله له 235
نسميه uranium two thirty-five
والتاني عدد الكتله له 238
نسميهuranium two thirty-eight
التسميه تكون حسب عدد الكــــــــــــــــتله

* معلومه " نظائر العنصر الواحد لها نفس التفاعلات الكيميائيه "

.. طبعا المثال ..
.. والتمرين .... الحل:البروتونات=29
النيوترونات=34
الاكترونات=29

ص51/ استاذتنا قالت الجدول الدوري لا تحفظوووووه حنجبلكم هوا في الاختبار ...

ص53-54/الايونات والجزيئات molecules and ions
نصيحه ..سوو جدول ايونات وجزيئات اسهل في المذاكره..وكمان ما يحتاج ترجعوا للكتاب في هذي الجزئيه لو سويتو في جدول ..

* الجزيئات...
التعريف:تجمع لذرتين على الاقل مرتبطه بروابط كيميائيه (التجمع بنسب ثابته)
الشحنات:لا تحمل شحنات (متعادله كهربائيا)
انواع الجزيئات:
1-احادية الذرهmonatomic molecules
(مجموعة الغازات الخامله)
2-ثنائية الذرهdiatomic molecules
-متشابهه ... الهيدروجين..اوكسجين..اليود..الفلور..الكلور
-مختلفه ... co..hcl
3-عديدة الذراتpolyatomic molecules
-متشابهه ... الاوزون
-مختلفه ... الماء..ثاني اكسيد الكربون..الامونيا
" معليش ارجعوا للرموز في الكتاب عشان ما اعرف اكتبها هنا "

*الايونات...
التعريف:ذره او مجموعه من الذرات لها شحنه كليه اما سالبه او موجبه نتيجه لاكتساب او فقدان الكترون او اكثر..
الشحنه: اما شحنه كليه سالبه
او شحنه كليه موجبه
انواع الايونات:
1-كاتيون cation
الايون الذي يحمل شحنه كليه موجبه نتيجه لفقد الكترون او اكثر من الذره المتعادله
( الكاتيونات هي الفلزات)
-ايونات احادية الذره monatomic ions
Na+...Mg+2...Fe+3
-ايونات عديدة الذرات polyatomic ions
ايون الامونيوم +NH4
2-انيونanion
الايون الذي يحمل شحنه كليه سالبه نتيجه لاكتساب الكترون او اكثر من الذره المتعادله
(الانيونات هي الغير فلزات)
-ايونات احادية الذره monatomic ions
CL-..S-2..N-3
-ايونات عديدة الذرات polyatomic ions

-OH-..CN-..NO3-..NO2

معليش اوقف الين هنا .. وباذن الواحد الاحد اكمل لكم بكره ...الصيغ الكيميائيه (الجزء الممممممهم في دا الشابتر )....الله المستعااااااااااااااااااااااااااااان

[د/مــهــاااوي]

الله يسعدك با عسل انتي سهلتي علي المذاكره الله يحققلك اللي تتمنيـــــــه

[HANOoOF]

رجعت لكم تاني عشان نكمل ...... بسم الله

ص55/ الصيغ الكيميائيه chemical formulas
1) صيغه جزيئيه... molecular formulas
تعريفها:توضح العدد الفعلي من ذرات كل عنصر يدخل في تركيب الجزئ
الامثله: موجوده تحت التعريف

* اذا كان عندنا اشكال مختلفه لعنصر من العناصر نطلق عليها المتاصلات allotropes
مثال: - متاصلات الاوكسجين....O3...O2
- متاصلات الكربون...1- الجرافيت graphite
2-الالماس diamond

ص56/ 2) صيغه اوليه empirical formulas
تعريفها: توضح الذرات المكونه للجزئ ونسب وجودها في أصغر وابسط نسبه ولكنها ليست بالضروره ان تكون العدد الحقيقي للذرات
الامثله: برضوا تحت التعريف
( الصيغه الاوليه تكون في ابسط صوره )

* معلومه مههههههمه .. لا يمكن معرفة الصيغه الجزيئيه من الاوليه والعكس صحيح ..

مثال خارجي مو من الكتاب..الجلكوز( ممكن في الاختبار تجبلك اختاري الصيغه الاوليه للجلكوز
عشان كده لازم تخليه في ابسط صوره عشان تعريفي الصيغه الاوليه)
الصيغه الجزيئيه له C6 H12 O6
نبغى نخليه في ابسط صوره=> (÷2) C3 H6 O3
هذا الجلكوز في ابسط صوره => (÷3) C H2 O

* في بعض الاحيان تكون الصيغه الجزيئيه نفسها الاوليه :-
مثل: NH3 النشادر ... Nacl ... H2O

المثال والتمرين طبعا .. بس انا ما حليته

ص57/ اول شي المثال ..
والتمرين .. الحل:C4 H5 N2 O (÷2

* صيغة المركب الايوني formula of ionic compound

فلز( كاتيون+) مع لا فلز(انيون -) => مركب ايوني ( احفظوها زي اسمكم )
ls +nonls=> ionic compound
الفلزات في الجدول الدوري باللون الاخضر موجدوده على اليسار
والغير فلزات باللون الازرق في يمين الجدول

مثالــــ .. NaCl
Na... فلز
Cl... لا فلز
اذن هو مركب ايوني...

ص58/ اعطانا 3 امثله..
1- بروميد البوتاسيوم
(-Br...لافلز)+(+K...فلز )>>> لا نسوا انو الموجب اللي هو الفلز لااااااازم ينكتب اول
(تعملي عملية المقص اللي هيا تقلبي .. هنا ما راح يبان عشان تكافؤاتهم احاديه )
=> KBr

2-يوديد الزنك
( Zn +2)+( I -1
=> Zn I2
( قلبنا التاكفوات يعني 2 حقت الزنك ارحت لليود و1 حق اليود راح للزنك )

3- واااااضح .. مافيه اشرحوا

* معلومه ( المجموع الكلي للشحنات لازم يطلع بصفر.. يعني ايش؟؟؟؟ )
=> ناخذ المثال التاني اللي دوبنا قلناه Zn I2
2×-1 + 2×1 = -2 + 2 =0
اشرح لكم.. الــ 2 الاولى هذي للزنك و-1 لليود فبل ما نبدل
جمعناها مع 2 التانيه هذي لليود و 1 للزنك بعد ما بدلنا

*.. لا حظوا قبل ما نبدل.. تكافؤ الزنك 2+ .. واليود 1-
بعد ما بدلنا صار تحت الزنك 1 وتحت اليود 2

.. جربوها في باقي المثالين وشوفو يطلع الناتج صفر ولا لا؟؟
{ اللي ما فهم يقولي اشرحلو تاني ..}

طبعا المثال..
والتمرين ..ـ
(Cr +3) + (So4 -2
الحلــــ:- Cr2 (So4)3
(Ti +4)+(O -2
الحلــ:- Ti2 O4
=> Ti O2 (÷2
لازم يكون في ابسط صوره ..
ولا تنسوا انو الموجب يتكتب في البدايه..

وباقي لنا تسمية المركبات.. والمركبات الجزيئيه...نكملها بكره باذن الله

[منتــهى الرقــــة]

الله يوفقك ويهون عليك كل عسير

من قلبي اعديلك..مجهود جبار يستاهل الشكر

[HANOoOF]

امييييييييييييين .. وانت كمان الله يوفقك وينجحك بأعلى الدرجات في الدنيا والاخره
تسلمي ع مرورك....(: