بنات المستوى الثالث البطاقة الجامعية

[منتسبة !!]

والله يابنات انا مره معصبه من التعامل حق الجامعه دا وفوق كدا دافعين فلوس ليهم يعني بنصرف عليهم

اليوم انا واختي روحنا عشان بطاقتها ضاعت وتبغى تطلع بدل فاقد ماهم راضيين يدخلوها يقولو هاتي اي شي يثبت انك طالبه جامعيه وطبعا مامعاها اي شي وهما غلطانين لانو المفروض يعطوها تصريح فقدان بطاقه وتدخل الجامعه بس الهبل حقهم .. حسبي الله عليهم تقول انتي اختها ادخلي وجيبي اي اثبات انها بتدرس ماني فاهمه انا ايش قصدها وروحت عمادة القبول وقلتلهم الحكايه قالو جيبي الطالبه عشان نشوفها وجيبي معاها التصريح عشان نطلعلها بدل فاقد وحوسوني الله يدوخهم وبرضو حقت الامن ماهي راضيه تقول لا ماتدخل !!

ومع انو اول مرة ضاعت بطاقتها دخلوها بتصريح الفقدان دا ،، بس الشغله مزاجيه شكلو حسبي الله من جد انقهرت وسرنا جالسين برا زي الشحاتين وماادري ايش النهاية مع الظلم دا يعني ذل اكتر من كدا مافي !!!!!!!

بس ربنا موجود ويوريهم الله يردلهم كل اعمالهم .. ومعليش طولت عليكم بس من جد مقهوره من التعامل