~~ أسْمـَـاء الآسَتاذات في مَـادْة الـــ econ " بليييييييز" ~~

[عاشقة الندى]

..: السلام عليكم ورحمة الله وبركاتهـ ::.


اما اليوم روحتي كانت زي قلتها بس اتكسرت رجولي واخدتلي صقعه شمس ورجعت


كلية الاقتصاد والادارة شيء لايطاق زحمة موطبيعيه اخدتلي لفة على كل الكلية ادور أسماء الاستاذات اللي وصيتوني أسالكم عنهم مالقيتهم ولا عرفت رحت الشؤون اقولها كيف اعرف أسماء الاستاذات حسيتها شويه حتلطشني قرفانه نفسها الادميه مو طايقه أحد يسألها ..

بجد اليوم كلو كان متنرفز ومحد فايق لآحد ..
المهم رحت المبنى السادس عشان أكمل رحلة الاستكشاف حقتي برضو مااستفدت حاجه ..
بس دخلت عند الدكتورة / عفاف عايد أسألها عن شعبها قالتلي انا نفسي ماأعرف الشعب حقتي ..
واذا عرفتها حآجي أقولك ولا يهمك <<< تمزح معايا << كويس في أحد لو خُلق يمزح وينكت اليوم


وبعدين قلت يابنت روحي العمادة غثيهم كمانه شويه
قلت دامني فاااضيه خليني أسال عن البطاقة ..
ونفس الموضوع بعد ماخدتلي طابووووووور وفي النهاية قاتلتلي ماااااااااااافي تعالي الاسبوع الجاي وهيا عيونها زي دا بالزبط >> << طيب بشويش عليا لاتدفي


وبث ..
والله كان نفسي يابنات أجيبلكم اخبار حلوه واطمنكم بس ايش نسوي


بالتوفيق ..



::....::