جو الجامعه العام .. (طلاب الجامعه ,, تعالوا طمنونا)

[سُكر محروق]

المشاركة الأصلية كتبت بواسطة mzat kau بالعكسسسسسسسسسسسسسس ياججماعه انا من اول يوم وانا فاللللللللللله بلا اكتئاب بلا هم اطلبو اكل من برى ودلعو نفسطكم يوم بيتزا هت يوم ماك انبسطووو ولا تضيعو ساعه وحده في الهم واتعرفو على ناس حياه الجامعه مرة حلوةةةةةة ودوام اول يوم ياحبايبي لمن ينزل الجدول لكم مدري ادا نزل اولا شوفو موعد اول ممحاضرة اللي غالبا تكون الساعه 8 << غالبا في ناس يبداو من 9 على حسب وشوفي المبنى واتعرفي عليه << بعد ماتوصليلو بالسلامه خخخخخخ وبس بعدها شوفي المحاضرة اللي بعدها فين مكانها وزي كدا وانتي حتتعلمي من اول يوم =) بالتوفييييق حبايبي ولي سالت الاستازة تقول سجلو ولا لا طبعا لا هيا تشرح الكلام المهم اكتبي واهم شي انا اكتب معاها الفيزيا اما اماث نفسو اللي بالملزمه <<< توضيح ترا الكتاب المقرر مررررررررررررررررررة كبير وتقيل وماتاخدو كلو يعني بس كم فصل من الكتاب اللي غالبا يكون 40 فصل وانتي طالعه =) فايش يسوو الاساتزة ياخدو الفصول المطلوبه ويصوروها ويحطوها بملزمه في مكتبه الجامعه في مبنى العلوم << للكليات العلمي اما التانيه كل وحده استازاتهم تقلهم كيف لكن بعض البنات مايعجبهم ويشترو الكتاب نفسو << احسهم جابو التعب لنفسهم يكسر الظهر بس علشانو ملون وفيه الحلول حقت التمارين << صدقوني مالو داعي هوا صح يعطوكم واجبات بس نحنا ماكان في درجات ع الواجبات سو مو مهمه

مرة كويس والله يعني بس نشتري الملزمة حقت الماث لإني خايفة من دي المادة مرررة ، طيب وبما إنو هرجة المواد جات بسألك صح إنو الإنجليزي خمس مواد ؟ دا الشي فجعني بصراحة .إنو مادة للمحادثات ومادة قاعدات ومادة ...؟...

[MNMO0ONA]

المشاركة الأصلية كتبت بواسطة سُكر محروق مرة كويس والله يعني بس نشتري الملزمة حقت الماث لإني خايفة من دي المادة مرررة ، طيب وبما إنو هرجة المواد جات بسألك صح إنو الإنجليزي خمس مواد ؟ دا الشي فجعني بصراحة .إنو مادة للمحادثات ومادة قاعدات ومادة ...؟...

ايوا
ليسننق وسبيكنق- وقرارمر - وريدنق ورايتنق- وكتاب مالو داعي اسمو eap
يعني 4 كتب

وبالنسبه للماث هيا بتتكلم على الماث تبع العلمي
لاكن حق الاداري مره سهل ومومحتاجلو ملزمه ولاشي

[سُكر محروق]

المشاركة الأصلية كتبت بواسطة mnmo0ona ايوا ليسننق وسبيكنق- وقرارمر - وريدنق ورايتنق- وكتاب مالو داعي اسمو eap يعني 4 كتب وبالنسبه للماث هيا بتتكلم على الماث تبع العلمي لاكن حق الاداري مره سهل ومومحتاجلو ملزمه ولاشي

طيب تتوقعي الإنجلش حيكون سهل ؟

[wan]

ايش الموضوع الفله دا فينني عنو من زمان خخخخ

يلا ايش تبغوا تعرفو >>> عز الله محد شارك

[سُكر محروق]

wan

حياكي الله هههه

طيب بما إنك كاتبة في التخصص إن شاء الله إعلام..يارب تدخليه وتنبسطي فيه.

بسألك ايش تبى بالضبط في الإعلام؟ أنا نفسي في صحافة ومالي نفس يعني احسو احلى شي في الإعلام.

وتاني شي في حاجة مني فاهمتها ..دحين نحن سنة تحضيرية صح؟ مستوى أول
إيش هو المستوى الثاني والثالث ؟

[wan]

سكر محروق ..

شوفي يا قلبو قسم الإعلام مافيه غير مسار واحد ( صحافه )
قالو في أمل ينفتح ( علاقات عامه ) بس شكلو ليلهم طويل

الأولاد عندهم مسارات أكتر ( إذاعه و تلفزيون - إعلان - علاقات عامه - صحافه )

أنـآ عنـي احس المجال دا انا منشده ليه يعني أحب أقرا و أسمع الأخبار و كدا غير كدا معدلي خايس شوي و الإعلام أقرب تخصص مناسبه شروطو ليا ..


بالنسبه للمستويات يعني الترم ..
الترم الأول = مستوى أول
الترم التاني = مستوى تاني
الترم التالت = مستوى تالت
الترم الرابع = مستوى رابع
و هكزا

يعني إنتي دحين مستوى أول .. الترم التاني تسيري مستوى تاني
السنه الجايه أول ترم حيكون ترمك التالت و مستواكي حيكون التالت و كد .. :)
هما خلو أسمها مستويات لأنو زي ما تعرفي الجامعه تقدري تسحبي و تبطلي ترم مو زي المدرسه كنا كل سنه بسنه ماتقدري تأجلي ترم

يارب تكوني فهمتي عليا

[mzat kau]

اهلين ياحلوين الماث اللي بتكلم عليه هوا حقت التخصصات العلميه والله للاسف الاداري مادري عنو


وبعدين بالنسبه للانجليش
قرامر ريدنق رايتنق لسننق وسبيكنق<<اخر اتنين مجموعين في كتاب واحد

وفي كتاب اسمو إي أي بي << البنات كلهم اخدو وخلصو ونجحو فيه وهما مهم عارفين عن ايش بيتكلم خخخخخخخخخخ
مرة كتاب غبي وتحسي مو عارف ايش يبغى هادا الترم الاول الترم التاني اعطونا كتاب بدالو اسمو فوكابلري <<< كتاب مرة حلو ويعلمك كلمات مرة حلوة يعني بالعربي مفيد


بس الانجليش عموما مرة لاتخافو منو سهل ان شا الله تقريبا زي الثنوي بس انو قلك يعاملوكم ع انكم كبار سو بس هوا دا ولا هوا نفسو

[سُكر محروق]

wan

أوف مسار واحد بس ؟ حتى الإذاعة والتلفزيون أتوقعت في بما إنو المتعارف عليه أهل جدة منفتحين. أم القرى عندهم مسارين صحافة + علاقات عامة ، وأنا على بالي جدة كل المسارات متوفرة .

وكنت أفكر لو غيرت رأيي في الصحافة أشوف الإعلان بس خسارة عليهم ههه!

عموماً ترا الصحافة حلوة أنا زيك حابتها عشان عندي ميول في متابعة الأخبار والقراءة..بس لاتقولي عشان معدلك خايس هههه يعني كدا زي لما يقولو الأدبي مايدخلوه غير الكسلانين ..قصدي قولي بدخلو عشان احبو < اش دخلك انتي ههههه

طيب لوفرضاً معدلك عالي ايش في شي تاني حابة تدخليه..

ويب يب فهمتك عليكي على حكاية المستويات ^_^

< هرجها كتير

[zahraa~~]]

طيب انا عندي بجدولي الساعات الفعليه 12 ساعه مع العلم اني خطه أ

ما عندي ماث بالجدول ليه ؟؟

[أطفال]

من جد كلام سكر محروق صح لازم الشي اول نحبو بعدين عندنا قدرات له
وكما فرص وظيفية مستقبلا وإن كان لازم نتكل على الله اول .........

والله يوفق اللي يبغوا إعلام حلوة الصحافة تعجبني كمقالات وكذاا وهي احدى احتمااتي ....