هل يحترم الشاب الفتاه التي تلبس العباءه المخصّرة؟؟

[نضال]

انا اشوف ان الشاب يحترم البنت اللي تلبس عباية مخصرة ,,,

ايوة يحترمها ,,

يحترمها لدرجة انه يمشي وراها زي " الكلب " اعزكم الله ,,, و انتو عارفين ليش يمشي وراها بالتحديد

يحترمها لدرجة انه بيبادلها كل نظره من نظراتها بأبتسامه

يحترمها لدرجة انه يعطيها كل الأوراق اللي في جيبه ,, مكتوب عليها ارقام بيته و جولاته و الفاكس و الأيميل و صندوق البريد و ارقام العمل ,,, و كل شي


فيه اكثر من كدا احترام يا جماعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[bent mankoosha]

العباية الواسعة اصلا اريح تريح وانتي ماشية وانتي جالسة ايش ما كنتي لابسة
بس اني احب البس عابيات كحلية ورمادية وطرح ملونة ما اقدر عالسواد الصراحة
والاحترام مش بالحجاب وان كنت ما احبذ التخصير طبعا
وجزاك ربي خير

[بحيرة الحزن]

رأيي من راي الاخ mulan

والبنت ماتنلام لوحدها وماتكون هي المسؤلة الوحيدة

لان الاهل هم الناس اللي يجب ان ينلامون

[نضال]

بحيرة ,,

اعتقد اني اذا لبست شي , فأنا الشخص الوحيد اللي ينلام على ما لبس ,,

انا ما انكر ان الأهل لهم دور في التوجيه

لكن البنت هي المسؤول الأول

[بحيرة الحزن]

صح البنت هي المسؤلة عما ترتدي من ملابس

ولكن لا ننسى دور الاهل ايضا

فهم المسؤلون ايضا عن البنت

فبالنسبة للبنت يجب ان توجهها الام وتتقرب منها وتنصحها

وان غلطت تردعها عن الغلط

الف شكر لك اخي نضال

[mulan]

و الله يا نضال أنا لمن قلت نديها الإحترام و ما نقول عليها بطالة

كان باين أنو كلامي عن اللي تكشف وجهها أو تلبس عباية ملونة مو اللي تلبس مخصر و مش عارفة ايه من حركات الإغراء

أما إذا كنت فاهم كلامي و انت تشوف أن اللي تكشف وجهها أو تلبس ملون ما تستاهل أحد يحترمها فهذه فيها كلام ثاني و أنا وضحت أنو هالشغلة غلط لكن ما تستدعي أننا ما نحترمها أو نعتقد فيها الفساد

إن شاء الله تكون فاهمني أخي

[مشبب العمري]

السلام عليكم ورحمة الله وبركاته
اشكر الأخ الي طرح الموضوع هذا وأشكر كل من ساهم في هذا الموضوع ولكن بالنسبة للأخوان والأخوات الي يقولوا ان الأهل عليهم المسئولية الكاملة هذا غير صحيح بل الفتاة التي تلبس المخصر عليها كل المسئولية في ذلك وقد حدثت قصة في احد اسواق المنطقة الشرقية حيث كان هناك فتاة تلبس المخصر والنقاب الي كاشف نص الوجهة وعندما اتصل بها اخوها لكي تخرج له من السوق ويعيدها الى البيت سارعت الى دورة المياة ورمت المخصر والنقاب في حقيبتها ولبست العباءة الواسع والغطوة الشرعية وعندما حاولت زوجتي افهامها انها لاتستطيع خديعة الله سبحانه وتعالى اذا كانت تستطيع خديعة اهلها وخيانتها لهم وانها لم تكن عند حسن ضنهم بها وانها لم تكن على قد المسئولية اجابتها بكل وقاحة وقالت كلامك لم يعجبني .
هنا ايضاً يظهر خطأ الأهل حيث سمحوا لبنتهم بالتسوق لوحدها في مجمعات اختلط الصالح بالطالح المسألة من وجهة نظري هي تكاملية بين البنت والبيت والمجتمع ولا يمكن فصل اي جزء عن الأخر
والسلام عليكم ورحمة الله

[شبح جده]

بسم الله الرحمن الرحيم
في البداية احب اهني طلاب و طلابات الجامة بهذا المنتدى لانه فكره عبقرية انا مشترك جديد طازه وبصراحه شدني الموضوع ورأي المتواضع ان البنات يبحثو عن التميز أو بأدق لفت النتباه لان بعضهم يتفاخر في مين
(يجري الشباب وراها اكثر) او بعضهم يأخذها على انها موضه او تقليد أو ....أو......... الخ المهم ما يتركة في نفس الشاب منوجهت نظري أثر سلبي جدا على صاحبه العباية المحزقه
لانو بصراحة يغري اكثر ولو ما تلبسو يكون احسن يا جماعه للعبايه معنا خاص الي هوه الحجاب فحرام نشوه صورتو يعني هي ناقصة ما يكفي الي نشوفو على التلفزيونعلى الفيديو كليب وغيرو . والله ان الواحد سار ينزل السوق في الصباح لو يبغى يشتري شي عشان لا يتعب نفسو. والطامه الكبرى ان العراري ينفلتو وراها ومصيبه لو كيفت نفسها على هذا الوضع هذا رأي وشكرا لصاحب الموضوع الحساس وللمشاركين

[Biba]

السلام عليكم ورحمة الله وبركاته
أنا رأيي من رأي الأخت Wizard
يعني مو شرط انو كل وحدة لابسة عباية على الكتف مخصرة ومزركشة انها وحدة بطالة وحقت أولاد ومصخرة
طبعاً أنا ما أنفي هادا الشي ... في بعضهم يكون هدفهم الاغراء وما أدراك ما الاغراء
والبعض الآخر يكونوا متعودين من صغرهم انهم يلبسوا كدا ... أو امكن البنت تشوف أمها لابسة عباية مخصرة نوعاً ما وأخواتها وأهلها وصاحباتها ...... فأكيد هيا شي طبيعي انها حتلبس زيهم
بس برضو ارجع وأقول انو العباية مهي لوحدها هيا مقياس الأخلاق
في زي ما اتكرموا الأخوان والأخوات اللي كتبوا من أول ......... طريقة المشي والنظرات الفتّاكة والعطر الفوّاح والمكياج والاكسسوارات و......و......و...... الخ
هادا هوا اللي يحدد ازا كانت البنت مؤدبة ولا لأ

وعلى فكرة ...... في تعليق عجبني جداً جداً
وهوا تعليق الأخ The White Heart




انا اقول انه البنت اللي تحاول تظهر مفاتن جسمها هي صغيرة العقل ومريضة مرض نفساني لانها غير واثقه بنفسها وهيا متحجبة وانا مااقول للبنات لاتتحجبوا او غطوا وجهك بالعكس تحجب عادي وعبايه لاهي مخصرة ولا هي وسيعه زي الثياب وبعدين كيف تمشي ومفاتنك كلها باينه في الشوارع واما بالنسبة للتطريز والخيوط والحركات الصعبه للعبايات والالوان هيا بكل صراحه اقولها حلوة لكن ماهي حلوة في الشوارع والاماكن العامة والاسواق خاصة حلوة لما تلبسيها وانتي رايحه فرح وانتي رايحه مناسبة معينه .
احنا محنا هيئة نقلكم لاتلبسوا ولا تتخصروا انتم احرار بس شكلكم والله العظيم حلو بالنسبة لكم وبالنسبة للناس الواطية وهذا راي الخاص ويعني خلوكم شوية فطنين والبسوا العبايات العادية خلوا مثلا يعني فيها شوية زركشه من الطرف يعني خفيف جدا جدا .

[NooDy]

كلامك صح... بس انتو كمان خلو عندكم شوية controlعلى نفسكم. منتو اطفال عشان أي شي ملفت تروحوا وراه... عارفين؟؟ لو طنشتوا البنات الي مو مضبوطين , حتنقهر و حتسير تبغا تغير قشكلها عشان تلفت, فحترجع للعباية العادية. فركة,صح؟ا الله يهديهم.
بنت فلة مضبوطة :)