جو الجامعه العام .. (طلاب الجامعه ,, تعالوا طمنونا)

[فروته]

جيت اتفلسف انا الحين شوفي مين راح يسكتني هههههههههههه

شوفي يا عسوولة انا درست السنة اللي فاتت تأهيلي علمي يعني كان دوام مسائي بس سحبت لانه مخي ماهو علمي و سجلت اداري انساني انتظام

فاقلك اللي اعرفه عن الجامعة اول حاجة مرة لا تشيلوا هم اللبس و الكشخه

ثلاث ارباع العالم قاعدين بعباياتهم و اللي لابسة لبس تلقيه تنورة جينز و تي شيرت عادي و سلامتكم

يعني محد يقعد يتعنى و يسوي بحاله فن اهم حاجة ضبطي شعرك تمام و الميك اب و خلاص << بنات فاضيين والله الحين يشوتونا من المنتدى من جد ههههههههههههه

و بالنسبة للمتنمرات و الشريرات و لله الحمد ما مر علي ناس كذا ابدا

الجامعة تلقي فيها من كل الاصناف و الاشكال تلقي ناس مرة فلة و ناس يجيبوا الهم

لكن حقون المشاكل لو انتي مب حقة مشاكل ما احد راح يجي حولك

بالنسبة للحرية زي ما قالوا من قبل لو سحبتي من اول الدوام لاخره فالتها محد يسال عنك ولا احد يجرك من شعرك عالمحاضرة مصلحتك تعرفيها و تعرفي طريق المحاضرة خلاص كبرتي << صارت ام فجأة خخخخ

و راح تنبسطي مع صاحباتك وقت البريكات ومرة الجوو نااايس و حلو و حقات الأمن لو ما جيتيلهم ولا شافوك من بعيد تكلمي بجوال كاميرا او ماشية ببنطلونك بدون لاب كوت ما راح يقربوا منك

جميع الملابس مسموحة الا الكت مب مسموح و كمان البنطلون بالنسبة للاداري الا اذا لابسة عبايتك محد بيسالك ايش تحتها

لكن بعض الدكاترة يقولوا فكوا العباية لكن نادرا ما تلقي كذا خصوصا انهم يعرفوا بنات التحضيري مساكين جدد فيتساهلوا معانا نوعا ما

مرة اضطريت افك العباية عشان كان اول اختبار لي وما كنت اعرف انهم راح يفسخونا العباية خخخخخ و عادي اختبرت بالبنطلون و محد قلي شي

والدوام المسائي لو كانت محاضراتك بمبنى واحد ما حتتعرضي للشمس و لو تبغي تجيبي مظلة معاك عادي كثير كانوا كذا


و ان شاء الله اني قلت شي مفيد خخخخخ