هام لـ طلاب و طالبات السنة التحضيرية بخصوص اختبارات الفصل الصيفي

[أنشودة المطر]

بسم الله الرحمن الرحيم ...
السلام عليكم ورحمة الله ...

اخواتي واخواني ارجوكم اللي يعرف لأسألتي جواب يالييييت يساعدنيبيها ..

أولا الاوديس عندي الين دحين ماشتغل ..وارسلولي الباسورد الجديد برضو نفس الحكايه ...وكم مره احاول ..اللين طلعت روحي ... اش الحل برايكم ...؟؟ طبعا تلفون انسو يردو عليكم ..منجد حرقو دمي ..دا شي ..
الشي التاني ..ابغا اعرف انا قدمت على الصيفي وطلعلي الجدول اللي هو الانقلش 102 بس طبعا ..بس ماطلع شي تاني غيرو .. فمادري خلاص كده كل شي تمام استنى جدول الاختبار روح اختبر عادي .. ولأني حاطه في بالي اروح اختبر واشوف عندهم اش مشكلت الاوديس دا ..ولا في شي تاني قبل الاختبار ولازم الاوديس يكون شغال عندي ....


كمان في أستفسار ... دحين انا ماقدر اختار التخصص إلا بعد ماختبر وانجح بأذن الله دا اللي اعرفو ...؟؟؟ يعني حاليا كلكم زي ماأخترتو شي وتستنو الاختبارات .... اخاف طلع شي في الاوديس وانا ياغافلين لكم الله ... الله يسعدكم اللي شغال معاه الاوديس وهو عندو صيفي زي يقولي أش المستجدات فيه يعني مايمديني أقدم على الانتظام لسه والتخصص كمان ..؟؟
أأسفه لو أخد حبر كتير من المنتدى .. بس منجد محتاجه أحد يخفف عني القلق دا وحسبي الله على الاوديس اللي خلاني عايشه بخوف ...

وبتوفيق للجميييييييييييييييع ...

دمتم بخير ... أنشودة المطر