بنات و شباب الرياض تعالوا للاهميه

[الأمل المنتظر]

السلام عليكم
اول شي مبروك خلصنا وافتكينا وعقبال النتايج الزينه

ابغاكم بموضوع مهم الا وهو < اليوم معي بنت بالمعهد كلمت العماده بالجامعه على اساس بتسألهم عن السنه الجايه وين بيكون الاختبار.. فرد عليها أكيد بجده "والصراحه الموضوع تحطيم " فقالت له انو احنا ماسجلنا بالجامعه الا لما تأكدنا ان الاختبار حيكون بالرياض ..رد عليها : السنه التحظيريه بس هي الي تختبر برا جده ..قالها ممكن نقبل في حاله وحده ..اذا شفنا تفاعل الشباب والبنات في المنتديات على انهم حابين يكملوا بالرياض احنا رح نتابع المنتديات وكمان يرسلوا لنا من الاودس عن طريق مراسلة العماده ويشوفون اذا كان الطلاب عددهم نفس عدد هالسنه والرغبه موجوده بيخلونها مثل الحين ..يعني بنختبر بالرياض >
المطلوب ياجماعه انكم تتفاعلون معي بالمنتدى وتطالبون بإكمال معروفهم معنا
وكمان تراسلوهم من الاودس
لازم نسوي صجه ياجمــــــــــــــــــــــــــــــــــــــــــــــ ــــــــــــــــــــاعه

<وياريت يتثبت الموضوع عشان يشوفون ارآءنا >

الموضوع مايخصني بس.. كل واحد راح يساعد نفسه ويساعد الطلاب الباقيين "يد وحده ماتصفق"
السالفه مو سالفة انو شايله هم السفر السنه الجايه والهم وغيره ..السالفه سالفة اكمل دراسه ولا لاء
حرام دراستي وتعبي الحمدلله نسبتي حلوه الترم الاول وان شاء الله تكون حلوه هالترم
والله حرام
وش المقصد يوم يخلون بس السنه التحظيريه هي الي تختبر هنا..وباقي السنوات يعني وشو ..؟
يعطيكم العافيه
وبالتوفيق للجميع.....