آآآآخر تجمعاتنا للكيمياء ..:(

[ultraviolet]

المشاركة الأصلية كتبت بواسطة جامعية صغيرة بنااااات الله يوفقكم راح أنجن فين الشرح (ان نون وزهرورة والفنانة أو أي أحد)

شوفي يا قلبي انا راح اقولك اللي اعرفو و اللي انشرح معانا في المحاضرة
بس ازا في شي زيادة يا ريت احد ينبهني و لا يصحح اخطائي ازا فيه خطا ... اوكي ؟
بسم الله
الصفحة دي تبع الالكينات بس
اولا
راح تشوفي في صفحة 1013 بيتكلم عن خصائص الالكينات فقط
انو لمن تجي تسمي الالكينات لا تنسي تحطي قبلها cis او trans
و هادا عشان بسبب الرابطة الثنائية بين الكربونتين " ما نقدر نلف الكربونتين الا ازا كسرنا الرابطة الثنائية "
و اختلاف اماكن المركبات يؤدي الى اختلاف الخصائص الكيميائية و الفيزيائية عشان كدا لمن نجي نسمي أي " الكين " لازم نكتب سيس او ترانز لانو كل واحد مختلف عن التاني و هادولي المركبين نسميهم " geometric isomer "
متى نقول سيس ؟ ازا كان التفرع كلو في جهة واحدة يعني فوق فوق أو تحت تحت
متى نقول ترانز ؟ لمن يكون التفرع في جهتين مختلفتين يعني حتلاقي تفرع فوق و تفرع تاني تحت
تانيا
بيتكلم عن تفاعلات الالكينات
وحطي في بالك انو كل تفاعلات الالكينات و الالكاينات " تفاعلات اضافة " يعني كسر رابطة " ثنائية او ثلاثية
و اول معادلة كيف تحضري الالكين عن طريق " cracking " يعني يكسرلك الهيروكربون الطويل و يخليه وحدات صغيرة , و بالتسخين و اضافة محفز راح يحول الالكان الى الكين
تاني معادلة تخص تفاعلات الالكين و زي ما قلت انو هيا كلها تفاعلات اضافة
يعني تكسري الرابطة الثنائية و تدخلي العنصرين الجديدين مكان الرابطة الثنائية
و في حالة خاصة " اتباع قاعدة ماركونيكوف " اللي هيا لمن تجي تكسري الرابطة الثنائية و يكون عندك مثلا HCL فين تحطي الـ H و فين تحطي الـ CL ؟
تقولك القاعدة حطي الهيدروجين عند ذرة الكربون اللي حولينها هيدروجين اكتر و الكلور عند الكربونة اللي حوليها هيدروجين اقل
و هادا تقريبا كل اللي انشرح في المحاضرة
إن شاء الله تكوني فهمتي عليا و ازا فيه شي ناقص يا بنات نبهوني