الخطة التكتيكية للقضاء على الفيزياء والرياضيات ! ;-)

[Somaiah Yousef]

لآ تكثروآ على نفسكم المصادر والله حتتعبوا نفسيا .. وعقلكم ماحيستوعب

الملخصات يختلف اسلوبها من دكتور للثاني .. في النهاية كلها تؤدي لنفس النتيجة

اذا انتو بتحصلوآ على النتيجة المرجوة من أي مكان .. ليش بتشتتوا نفسكم كذا ؟

ممكن انا انصحكم بأشرف بركات .. وكثير كثير ينصحوكم بالعربي .. وآكثر آكثر بينصحوكم بزويل وملخصاته

كل واحد على حسب اللي يريحه

آغلبنا في السنة اللي فاتت آعتمدنا على فيديوهآت يوسف زويل للفيزيآء بشكل آساسي

وبعدها مسكنا وحدة من الملخصات عشان نطبق عليها اللي فهمناه من زويل \

ومسكنا نماذج وحلينا .. وكدا خلاص قفلنا ع المنهج وتمكنا منه

لآ تعقدوها وهي بسيطة

إذا انت فاهم تمآم ؟ امسك تست بآنك آو اسئلة ملخص آو نماذج .. وجرب تحلها عشان تتأكد من فهمك

هذي هي الفيزيآء هنا

اذا ماعرفت تحل .. تلجأ لملخصات تحاول تفهم نفسك فيها

آي ملخص ممكن يناسبك .. حيختلف من شخص للثاني

آو عندكم فيديوهآت زويل !!


فيزيآء التحضيري كله قوانين تحفظوها وتطبقوا ع المسائل .. زويل حيفيدكم عشان تستوعبوا الموضوع بشكل منطقي ووآضح

إذن الفيزياءء = فيديو زويل + أي ملخص يريحك + اسئلة سنوات سابقة وتدرييييب + ممكن تست بانك للتدريب برضو

وحتقضوا على المادة بكل فخر وبدون تعب نفسي ومجهود كبير

نصيحة من مجربةة .. وجبت الفل مارك الحمدلله