محاضرات استثمار مع الدكتوره نسمه حشمت bus345

[shadoo7]

السلام عليكم ورحمة الله وبركاته

انا نزلت ذي المحاضرات من المنتدى نفسه لاكن لقيت فروقات ماهي بالكثيره وعدلت عليها
كلها 4 ملفات وورد ال5 فصول فيها الرابع والخامس مدموجين سوا
عندكم كمان ملف ال pdf فيه التمارين كلها حقت الدكتوره قالت لنا ننزلها من صفحتها على موقع الجامعة مع كمان الجداول المالية حتلاقونها كمان مرفقه
نجي للاسئله بخصوص الماده
صحيح المحاضرات اغلبها ماتسجلت يادوب هي 3 محضرات اتسجلت بس البقيه لا
انا عدلت في المحاضرات على اساسها يعني المحاضرات مو كلها معدله تقدرو تقولو 80% معدله و 20% غير معدله
كمان تواصلت مع الاستاذه عبر الايميل وكان سؤالي هل المحاضرات المسجلة مسبقا هي نفس مضمون محاضراتك مع العلم انها مسجله للدكتوره سحر مهران ردت وقالت محاضرات الدكتوره سحر مهران تمثل نفس المنهج انا عن نفسي ماحسيتها مثلها يعني في اشياء كثيره زايدة من ناحيه الجزء النظري هذا رأيي مع العلم اني ماشغلتها كلها يادوب محاضرتين وعلى السريع يعني ارجعو لها وافهمو شيئ احسن من لاشيئ
نجي لصيغه الاسئله طبعا كالعاده صح خطاء واختاري والجزء النظري يمثل على ما اتذكر انها قالت 40% والعملي 60%
طبعا قالت لنا نطبع الجداول احتياط ونجيبها معنا يوم الاختبار تحسبا اذا لم يتم ارفاق الاسئله بالجداول ومايكون مكتوب او مشخبط عليها نظيفه يعني
وحتلاقون مرفق ملف مفردات الماده وملف مصطلحات الماده وملف اسئله اختبار من باب الزياده في المراجعه مو من الاستاذه
طبعا ملفين المصطلحات والاسئله حقت الاختبار ارسلتها لي زميله وليست من جهدي
وهذا كل الي عندي حاليا اذا عرفت شي جديد برجع اكتبه بالموضوع
كل الي اطلبه دعوات في ظهر الغيب منكم
وان اصبت فهو من ربي وان اخطاءت فهو من نفسي والشيطان