إعادة التسكين فتحت .. لكن ليش بس صيفي مافيه ترم ثاني ؟

[عبدالرحمن محمد ع.]

السلام عليكم ورحمة الله وبركاته كيف الحال جميعا ؟ ان شاءالله إنكم بخير وكل عام وأنتم بخير بمناسبة قرب حلول الشهر الفضيل .. الحمدلله الجامعة أعطت فرصة للطلاب اللي أقفل عليهم التسكين الأول وما أدخلوا رغباتهم ورجعت فتحت التسكيـن اليـوم 23 شعبان مثل ما أعلنوا في موقعهم بس أنا عندي استفسار مهم جدا .. مثل ما أنتوا عارفين ندخل على الاودس ونحط خيارات التسكين ولمن نختار الفصل الدراسي يجينا اثنين: الفصل الدراسي الصيفي 2013 الفصل الدراسي الثاني 2013 سؤالي هو .. ايش نحط دحين ؟ مع العلم إنه ما فيه رغبات مفتوحة إلا لحقت الصيفي .. الفصل الدراسي الثاني مقفلينه فاحنا مجبرين إننا نختار الصيفي .. لكن المشكلة هي إنه أنا طالب سنة تحضيرية انتظام سجلت في الجامعة من الفصل الدراسي الأول وبدأت الدراسة في شوال والحمدلله نجحت في جميع المواد وما أخذت صيفي .. فأعتقد إنه كذا حتصير لخبطه لمن احط صيفي وأنا ماعندي صيفي أصلا ؟ والمشكلة الأكبر من هاذي إنه تسكين الفصل الدراسي الثاني مقفلينه وماهم حاطين فيه أي رغبات .. فإيش نسوي ؟ ننتظر لين مايفتحوا رغبات تسكين الفصل الدراسي الثاني ولا نحط رغبات حقت الصيفي وخلاص وراح نتسكن بإذن الله ؟ أتمنى من اللي عنده المعرفة والخبرة الكافية يساعدنا لأني أكيد مو أنا لحالي اللي عندي الاستفسار هذا .. شاكر لكم مقدما