تجمّع طآلبآت وطلآب إدآرة الأعمال دفعة 2010 حيآكم ..

[adnans]

المشاركة الأصلية كتبت بواسطة gold king عدنان عندي سوال الدكتور يدقق في الاختبارات ولا لا لانو بصراحة انا شفت الملخص حقك بس حاس انو صعب احفظو كلو مدري ايش راح اسوي في الاختبار الله يعين بس

تآمر أمر .. يخوي خذها بسهاااااااااله بس اللي معكم فالاختبار الدوري على ما كلموني الشباب شابتر 1 و 2 بس خذ نفس عميق وركز تمام فالكلام الجاي :

أول شي لا تكتب ولا حرف بالعربي طالبه العام الماضي كتبت كل الكلام صح بالعربي والدكتور قال أعطاها صفر من ثلاثين فالكتابه كلها بالانقليزي ..

ثاني شي طريقة المذاكرة والكتابة فالاختبار :

خذ دفتر وقلم وقول بسم الله وأبدا بالتعريف ثم أنواع الاستثمارات الاجنبيه حتكون سيرفس وقوودز وكل وحده فيهم حتكون لها حالتين مباشرة وغير مباشرة ( مو لازم دش الكلام والتعريف حق المباشرة واللي مهي مباشرة ) ثم تكتب من يقوم بالاعمال والجواب الشركات ثم أنواع الشركات ال3 ( حاول تلقط كلمتين مهمه من كل تعريف ) ثم أنواع الاعمال الدولية ال5 ( حاول تختصر التعاريف بحيث يقدر الدكتور يفرق بينهم وتقدر انت تحفظها ثم تذكر أسباب أنتشار الاعمال الدولية ( اذكر 3 من ال7 الاسباب ويكون كثر خيرك ) الى هنا ينتهي شابتر 1 ( حتركز فيه أنك تكتب المعلومات بالترتيب وأتدرب عالكتابه حترسخ فبالك صدقني )
شابتر 2 سهل جدا جدا : هو باختصار نظريات ادارة الاعمال الدولية : ( كلها 7 نظريات تكتبها زي ماهي مرتبه ) 4 قديمه و3 جديده المهم حتحاول تكتب كلمتين مهمه قدام كل نظريه ولا تنسى أن القديمه تنقسم لقسمين تجارة بالمقايضة وتجاره بالنقد وكل وحده من المقايضه والنقد لها نظريتين المجموع 4 نظريات قديمه وبعدها الحديثه حتذكر الاولى والثانيه وقدامهم تعاريفهم لو قدرت ولو ما قدرت أي كلمتين يمشي حالها وبعدين تجي للنظرية الأخيرة اللي هي أهم نظرية فيهم أسمها الجات gatt حتقوله أسست 3 منظمات وتذكر المنظمات وتقوله لها أهداف وتذكر كم هدف ومبادى وتذكر كم مبدئ حتى لو واحد كويس بعدين تقوله لها 8 جولات تفاوضيه بدأت في جنيف وعدد الدول 23 وتذكرله عنوانها وأنتهت في الاورجواي وعدد الدول 123 وتذكر عنوانها وصلى الله على محمد ..

عاد هذا كل اللي قدرت أفيد فيه والكلام كله موجود فالملخص أن شاء الله حتستفيد لو معلومه صغيره من هالكلام وموفقين أجمعين يارب