لــو خـيرت بين كلية الحاسبات وكلية العلوم وش تختار ؟؟ وليش ؟؟؟

[nawaf2020]

المشاركة الأصلية كتبت بواسطة ابوطالب الشريف لم تزيدونني الا حيرتا من امري

اخوي لا تسمع لكلام اي شخصية من ناحية اختيار التخصص
انا اميل للهندسة راح اقولك كون مهندس غيري يميل للحاسب راح يقولك ادخل الحاسبات
يجيك واحد شاطح جوه علوم بحار راح ينصحك فيها كل انسان ماراح يكون دقيق معاك وراح يكون منحاز لي ميوله و نظرته الشخصية

نصيحة لك ي عزيزي

انت شوف ايش ميولك ايش اللي تبدع فيه وتستمتع فيه ابحث عن مصدر ابداعك
شوف انت ايش اللي تميل له اكثر من بين التخصصات اذا انت تميل للحاسب وتجيد استخدامه
فهو تخصص جميل جداّ وبحوره متوسعة ولكن مو مجرد تصفح انترنت ودخولك لمواقع التواصل الاجتماعية وتقول انا محترف استخدام الحاسب او اجيد استخدامه لانه كل ذا اللي تشوفه ماله علاقة ابدا بعلوم الحاسب وتخصصاته هذا شيئ ثاني تماما

واذا مو جوك اساسا ابعد عنه اذا تشوف نفسك مبدع في احد المواد العلمية ومتعلق فيها
من ايام المرحلة الثانوية على سبيل المثال وتشوف انها سهل استوعابها بالنسبة لك وممتعة ماتتعب في دراستها اتخصص فيها وادخل كلية العلوم

في النهاية شوف انت وش تبي وش نفسك تكون ولا تنظر للمستقبل المادي والوظيفي
كل تخصص وكل وظيفة وكل علم له نصيب من الآرزاق والوظايف ومافيه شخص ياخذ اكثر من رزقه

واذا ابدعت في تخصص مهما كان وكنت مبدع فيه راح تلاقي وظيفتك بسهولة ومكانك ينتظرك
دام انت مبدع في هالشي وغير السعادة والراحة النفسية في انك تمارس شي تحبه وبنفس الوقت راح تتطور فيه مع الوقت بسهولة وتتقدم اكثر واسرع من غيرك اللي مغصوب على عمل مايطيقه من اجل المسمى ومن اجل اختياره تخصص مايناسبه

و تقدر اذا تبي تستفسر عن اي تخصص من التخصصات تقدر تمر على نفس القسم التابع للتخصص في الجامعة وتسآل المختصين بهذا التخصص دكاترة الجامعة ويعطونك نظرة شاملة عن التخصص ترضي فضولك

وقبل كل هذا انصحك بالاستخارة ورتب رغباتك حسب اولوياتك وميولك الشخصص واستفيد من الغير في الحصول على معلومات حول التخصصات وليس تحديد واختيار التخصص اللي راح تكمل حياتك فيه ويرتبط فيه مستقبلك

اعتذر عن الآطالة واتمنى اني افدتك ولو بشيئ بسيط

وبالتوفيق للجميع بآذن الله

ملاحظة: آهم شي اني جلست اكتب واكتب واكتب واخر شي راح عليا في ثانية بس ماعليه عدت ثاني ><