★:||:★ اجراءات استلام وثيقة التخرج [ طالبات انتساب ] ★:||:★

[white rose]

السلام عليكم ورحمة الله وبركاته طالبات الانتساب العزيزات طيب الله اوقاتكن بذكره وطاعته فيما يلي شرح لاجراءات التخرج لاستلام الوثيقة .. في البداية تتوجه الطالبة الى عمادة القبول والتسجيل والى صالة المركز الشامل بداخله بعدها تتجهين جهة الاستاندات وتاخذين ورقة اخلاء الطرف الخاصة بطالبات الانتساب وهذي صورتها : تبداين بكتابة بياناتك باول بوكس وبعدها تتوجهين الى عمادة خدمة المجتمع في المبنى الثالث [ مقابل عمادة القبول والتسجيل ] الدور الثاني غرفة 319 الشؤون المالية .. راح توقع لك المسئولة وتختمها لك وبعدها ترجعين الى العمادة الى صالة المركز الشامل وتتوجهين الى وحدة الوثائق والمستندات شباك 7 .. تقريبا اول ما تدخلين الصالة على يدك اليمين مباشرة تلاقين الشباك وتوقعين اخر بوكس الاقرار بالاستلام وبعدها تسلمي الموظفة بالشباك: الورقة المختومة + بطاقتك الجامعية وراح تسلمك الموظفة الوثيقة وتسحب بطاقتك الجامعية .. ملاحظات هـــــامة : 1- لابد انك تصوري وثيقتك الجامعية + كشف الدرجات كم صورة وترجعين لشباك وحدة الوثائق والمستندات عشان يختموها لك انها طبق الاصل لانو بالتوصية راح تحتاجي هالخطوة .. 2- طبعا طالما بطاقتك الجامعية انسحبت راح يكون دخولك بعد كذا للجامعة : [ بالوثيقة الاصلية + الهوية الاصلية ] .. 3- في المرفقات نموذج للتوصية ممكن تطبعوه معكم احتياط لمن تروحو تطلبو خطابات التوصية من الاستاذات .. 4- أيضاً خذوا معكم هويتكم الاصلية احتياط في حال طلبوها منكم .. وبالتوفيق لخريجاتنا المميزات