قيود على مجال الدراسة ، مالحل ؟

[Dalia~]

السلام عليكم

لو سمحتو ساعدوني لاني بجد يائسة من الجامعه دي
انا ليا اسبوع اتناحل مع الجامعه دي بخصوص اني كل ماحاولت اضيف مادة تطلع لي عبارة قيد خاص بالطالب
وبعد مارحت الجامعه عرفت انو حالتي عندهم تعليق الدراسة او غير مستمر << بالمعنى ذا لاني اعتذرت الترم الماضي
مع العلم اني راجعت الاسبوع الماضي الجامعه بخصوص التحويل ومحد قالي المعلومة دي
واضطريت اقدم معاملة عشان يرجعوني والحمدلله رجعوني ورجع فتح عندي الحذف والاضافة
بس للاسف واجهتني مشكلة تانية

عند الاضافه يطلع لي خطأ في التسجيل قيد خاص بالفروع
او خطأ في التسجيل قيود على مجال الدراسة - تخصص دقيق

السؤال دحين ايش معنى الكلام ذا
اضافة المواد راح تقفل بكره الاربعاء وراح يضيع عليا الترم من الاوديس المعفن ذا ونظام الجامعه

هل اذا سددت ينفع وتنحل المشكلة او مالها دخل بالتسديد
والسبت والاحد اجازة يعني راح اتأخر كمان يومين

بليز ساعدوني

انا ارسلت لعميدة القبول فرع الطالبات على الايميل المكتوب في المنتدى طلع خطأ
وارسلت ل عميدة كلية ادارة الاعمال بس مافي خبر منها

ساعدوني ربي يسعدكم ويفرج همومكم يااارب