نداء لدفعة 13 اي سؤال .. استفسار .. مشكلة .. اكتبها و حنحاول نساعدك

[S.Bn]

المشاركة الأصلية كتبت بواسطة امير العلم هنا المشكلة طيب ممكن تعطيني طريقة مذاكرتك للاحياء .. خصوصا انك زي الانقليش تعبان .. احنا الان خلصنا التشابتر 1 .. من ناحية فهم فانا اوكي ماشي حال .. لكن من ناحية حفظ لا خصوصا انها بالانجليزي .. فهل فيه طريقة معينة للحفظ تساعدني فيها يالغالي ..

اول شي عن نفسي ما كنت اذاكر اول باول لاني ما اقدر استحمل هم يومي >> يعني كل يوم حذاكر احياء و يجيني الهم و كدا طبعا دي طريقتي

كنت احضر عند استاذتي مع انها مررة ما تفهم بس احضر عشان التحضير و احضر عند استاذة تانية مررة كويسة و لا مررة سحبت من عند استاذتي اللي ما تفهم ليش لانو لازم اسمع الكلمات اللي بالانقليش و اخد فكرة السلايدات عن ايش تتكلم

قبل الاختبارات باسبوعين اشوف كمية اللي حنختبر فيه
و بعدين اعد الايام اللي حاذاكر فيها بس احياء
و اخد لي 20 صفحة في اليوم كل صفحدة فيها سلايدين و ابدا اقرا بفهم مو شرط احفظ كل المصطلحات من اول مررة
ما كنت احفظ ابدا ما عمري حفظت سطر زي الناس بس افهم السطر و اترجم الكلمات اللي فيه و اعرف انو دي يعني كدا و اذاكرها كلها
و ارجع من جديد على اساس اني الحين اراجع
حتلاقي نفسك ما كانك ذاكرت شي لا تتحطم و تقفل و تقوم لا ارجع راجعها او ذاكرها بالاصح من جديد

اليوم التاني قبل ما تمسك الجزئية الجديدة راجع القديمة و بعدين ابدا ذاكر الجديدة
و قبل ما تنام راجع الجزئية الجديدة و القديمة اليوم التالت حتحس انو الجزئية الاولى حافظها كويس و التانية يعني باقي كم حاجة و كدا كل يوم لين ما تخلص كل الشباتر

و اذا تبغى المذاكرة تبع الفهم و الحفظ نزل لي صورة من اي سلايد و ان شاء الله اشرح لك اكتر

و بالتوفيق

بس

تراني بنت مو ولد :)