ضيعتو مستقبلي - ليش طالبات المناطق مهضومه حقوقهم

[Dr.7ozn]

المشاركة الأصلية كتبت بواسطة نوسو انا مستغربه اللي من المناطق الاخرى ليه تسجل انتساب فعبدالعزيز له ماتسجلو فالجامعات الموجوده فمناطقكم اسهل لكم واوفر لكم لان بصراحه واحنا فجده عايشين معاناه مع جامعتنا فماادري كيف حالكم انتم اللي بعيد وربي لما اجي اسال عن درجتي كاني قاعده اشحذها منهم شحذه فكيف انتم تقدرو تاخذو حقوقكم وتراجعو الجامعه في حال كان في اخطاء فالتصحيح او الرصد حتى لاسمح الله ماقول غير الله يعينكم بجد معاناه مع هالجامعه

اول شي السلام عليكم ورحمة الله تعالى وبركاته


تاني شي يا اخت نوسو ومعليش عاللي رح اقولو ....

انتي ايش مزعلك؟؟؟؟

مين اللي بيتعب احنا ولا انتي؟؟؟

مين اللي بيسافر احنا ولا انتي؟؟؟

مين اللي بيستاجر شقه احنا ولا انتي؟؟؟

واسئلة كتيره اتمنى انك تجاوبيها بينك وبين نفسك


وانا عن نفسي رح اجاوبك على سؤالك


تعالي ادرسي في جامعة طيبة رح تعرفي الجواب بنفسك


1- ادارة فاسدة
2-دكاترة سيئين
3- عمداء كليات احقر منهم مافي

صحيح انو التعميم لغة الجاهل بس والله والله والله ماشفت احد يخاف الله في جامعة طيبة

سواء من ادارة لدكاترة لعمداء كليات والله حتا حراس الامن اخلاقهم في الحضيض حتا مديرهم سار ليا موقف معاه بس الله ينتقم منو <<< ما اقدر اقول غير كده

يا اختي الفاضلة انا عديت حوالي 80 ساعه وتركت الجامعة بسبب دكتور واحد فقط

ظلمني الله لا يوفقو ورحت اشتكيتو ومحد انصفني ,

قمت وصلتها لمدير الجامعه جلست احاول اني اقابلو بس ما قدرت

الاخ مو فاضيلي حسسني انو وزير مو مدير جامعة <<< الحمد لله شالوه من الجامعة

والدكتور اللي اتشاكلت معاه يقلي انتا من الاخر مارح تنجح عندي

وتركت الجامعه بسببو الله ينتقملي منو يا رب

اسف عالاطالة بس من قهري جالس اكتب

ارضي بجامعتك وربي انها جنة بالنسبة لجامعة خيبة ( طيبة )

القناعة كنز لا يفنى والله منكم عارفين قيمة جامعة الملك عبد العزيز